MELE NE KERESIANO
Itre Asabele Katru—Ijine Troa Amamane La Ihnim
Hnauëne laka, easa pi sine la itre asabele katru? Pine laka, tun ekö ngöne la ijine ne la angetre Isaraela, itre ijine lai ne itronyi la itre hlue i Iehova ka alanyim troa atrunyi Nyidrë. Nge ame ngöne la itre ijine cili, kola mana la xen qaathei Iehova. Nge easa madrin troa ce lapa memine la fami së me itre sinee troa hane nyihlue i Iehova. Celë hi ka upi easë troa sine la köni drai ne asabele.
Ame la easa sine la asabele, nyipiewekë tro sa mekun la itre ini hne së hna troa kapa, memine la aqane tro sa amamane la ihnimi së kowe la itre trejin. (Ga 6:10; He 10:24, 25) Ame la easa xolouth la qëhnelö kowe la itre trejin ka lö, maine xome hi la itre göhnë kowe la itre atr ka ce tro me easë, easë hi lai a thele la ka loi koi itre xan. (Fi 2:3, 4) Ame ngöne la itre ijine asabele, easa thel troa hetre xa sinee. Matre ame ngöne la itre ijine cili, easa tupath troa iatre memine la itre xa trejin me easë qëmeken, e thupen me ngöne la itre ijine xen. (2Ko 6:13) Ka epine palua la itre sinee cili! Ketre, ame la kola öhne la nyipi ihnim ka ej thei easë, tro itre xan a ajan troa ce nyihlue i Iehova me easë.—Ine 13:35.
GOEËNE JË LA VIDEO HNA HAPE, ITRE ASABELE KOI ITRE NÖJE KA NYIMUTRE “THA TRO KÖ A ASE LA IHNIM” NGE SA JË CAHU ITRE HNYING:
Nemene la aqane amamane la ihnim kowe la itre trejin ka traqa qa ngöne la itre xa nöj troa sine la itre asabele koi itre nöje ka nyimutre lo 2019?
Hnauëne laka, nyine hain la cas me ihnim ka ej thene la itre ka nyihlue i Iehova?
Nemene la itre igötranene la ihnim hna amamane hnene la itre atrene la Lapa Ne Xomi Meköt?
Tro sa amamane tune kaa la ihnim ngöne la ijine la itre asabele katru?
Hna hune tune kaa la ihnim ne la itre trejin ne Alema me Corée du Sud?
Nemene la nyine tro sa kuca?