ITRE TRENGAMO QA HNINE LA TUSI HMITRÖTR

Iehova a Amekötine La Nöje i Nyidrë

[Elone jë la video hna hape, Nyine Nyiqane La Tusi Numera.]

Ame la itre itat ne la angetre Isaraela asë, tre, hna thawa koi itre lapa. Nge e ca lapa, ke köni tribu (Nu 1:52, 53; w94-F 1/12 9 par. 4)

Ame la angetre Isaraela asë, ke ma traqa angatre koi 3 milio nge hetre munën (Nu 2:32, 33; it-1-F 385)

Aja i Iehova tro la nöje i Nyidrë a hmi koi Nyidrë, thenge la isa aqane ami angatr. Aja i Nyidrë ekö kowe la angetre Isaraela, nge tui së enehila.—1Ko 14:33, 40.

Kola mama la göhnë ne la itre lapa i angetre Isaraela. Uma ne heta e nyipin. Lapa i angetre Levi e ezine la uma ne heta: Arona e kohië, angetre Kohatha e kolojë, angetre Geresoma e kuë, nge angetre Merari e kolopi. Nanyi catre qa cili lo 12 lao tribu ne Isaraela. Lapa i Isakara, me Iudra, me Zebulona e kohië. Lapa i Gada, me Reubena, me Simeona e kolojë. Lapa i Beniamina, me Eferaima, me Manase e kuë. Lapa i Nafatali, me Dana, me Asera e kolopi.

ISA HNYINGE JË KA HAPE, ‘Nemene la aqane tro ni a amamane ka hape, ka ce huliwa ni memine la organizasio Iehova?’