Inine Jë Kowe La Ka Ini Tus Troa Ketre Ithel

Maine easa ajan tro la itre ka ini Tus a kökötr me macaj ngöne la nyipici, tha tro hmekuje kö angatr a kapa la itre ini hne së hna hamën. (Ma 5:3; He 5:12–6:2) Ngo, loi e tro angatr a ketre ithel ngöne la Tusi Hmitrötr.

Ame la easa xötrei ini Tusi me ketre, loi e tro sa canga amamane koi angeic la aqane troa hnëkë. (mwb18.03 6) Ithuecatre jë koi angeic troa pane thith qëmekene troa hnëkë. Xatua angeice jë troa huliwane la itre jia ne huliwa ngöne la tablet. Amamane jë koi angeic la aqane troa goeëne la itre ithuemacanyi ka hnyipixe ngöne jw.org me JW Télédiffusion. Ini angeice jë troa e Tusi Hmitrötr e nöjei drai, me hnëkën la itre icasikeu, me aqane troa ithel. Xatua angeice jë troa lapa mekun la itre hnei angeice hna inin.

GOEËNE JË LA VIDEO HNA HAPE, XATUANE JË LA ITRE KA INI TUS TROA XOME LA XEN NGÖNE LA GÖTRANE U, NGE SA JË CAHU ITRE HNYING:

• 

  Nemene la aqane kuca i Neeta matre tro Jade a trotrohnine laka, ame la troa ini Tus, ke, tha tro hmekuje kö a sa la itre hnying?

• 

  Nemene la ka xatua Jade troa trotrohnine laka, nyipici Iehova la Nyidrëti a wathebo së troa kuci ngazo?

• 

  Nemene la hnei Jade hna trotrohnine göi troa lapa mekun?