Tha Ka Huti Kö La Itre Itupath

Canga tro hi a pë madrine së, e tro sa cile kowe la ketre itupath ngöne la nyimu macatre. Atre hi Davita laka, tro kö a patre elanyi la itre jol ka traqa koi angeic. Nge tune la hnei Iehova hna qaja, tro kö angeic a joxu elany. (1Sa 16:13) Hnene la lapaun, matre hnei angeic hna xomihni, me nue Iehova troa nyinyine la jol.

Ame ngöne la itre ijine jol, loi e tro sa hmek, me inamacan, me atreine waiewekë matre tro sa mel. (1Sa 21:12-14; Ed 1:4) Ame itre xaa ijin, trongëne ju hë së la itre trepene meköt, ngo tha patre kö la itre jol. Ame e cili, loi e tro sa xomihni, me nue Iehova troa nyinyine la jol. Easenyi hë tro Akötresie a apatrene la itre jole së, me “köletrije la itre trenge timidra qa ngöne la itre lue meke” së. (Ama 21:4) Nyimu aqane tro Iehova a nyinyine la itre jol, ngo ame la ka xecie koi së, ke tha ka cile huti kö itre ej. Ketre mekune lai ka akeukawanyi së.

GOEËNE JË LA VIDEO HNA HAPE, NÖJE KA CAS NYIPINE LA FEN KA GOMEGOM, NGE SA JË CAHU ITRE HNYING:

• Nemene la itre jol hna melën hnene la itre trejin ka mel ngöne la götrane kolojë ne Etazini?

• Nemene la aqane mama la xomihni me ihnim thei angatr?

• Nemene la ka amamane laka, hnei angatr hna “tuluthe la ka nyipiewekë”?—Fi 1:10