MELE NE KERESIANO
Iehova a Xatua Së Ngöne La Itre Itupath
Easa melëne la itre drai ne la pun, matre tru la itre jol ka traqa koi së. Ame itre xaa ijin, kösë hace palaha la itre jol hne së hna thu. Ngo ame pe, maine tro palahi sa easenyi Iehova, tro hë Nyidrëti a xatua së troa cil kowe la itre itupath ka tru. (Isa 43:2, 4) Tro sa easenyi Iehova tune kaa, nge easë pe a melëne la itre jol?
Thith. Ame la easa fe la hni së koi Iehova, Nyidrëti a hamë së la tingeting me trengecatr ka ijij troa xomihnine la jol.—Fi 4:6, 7; 1Th 5:17.
Itre icasikeu. Ka nyipiewekë enehila tro sa kapa la itre ini qa hnine la Tusi Hmitrötr me cas memine la itre trejin ngöne la itre ijine icasikeu. (He 10:24, 25) Ame la easa hnëkën, me sin, me qeje mekun ngöne la itre ijine icasikeu, ke easë hi lai a kapa la ixatua ne la uati hmitrötre i Iehova.—Ama 2:29.
Huliwa ne cainöj. Maine tro palahi sa isine troa catre cainöj, ke tro ha lolo la aqane waiewekë së, nge tro fe a acatrene la aqane imelekeu së me Iehova memine la itre trejin.—1Ko 3:5-10.
GOEËNE JË LA VIDEO HNA HAPE, TRO KÖ IEHOVA A KEPE EPUN, NGE SA JË CAHU ITRE HNYING:
Nemene la ka xatua Malu troa easenyi Iehova, ngacama tru la itre jol ka traqa koi angeic?
Tui Malu, nemene la aqane tro la tusi Salamo 34:18 a akeukawanyi së ngöne la itre itupath?
Thenge la hna melëne hnei Malu, nemene la aqane hamëne Iehova la “men atraqatr” la easa cil kowe la itre jol?—2Ko 4:7