Ame La Faipoipo Ke Uti Hë Mec

Ame la lue trefën keresiano ka madrin ngöne la faipoipo i nyidro, ke kolo lai a atrunyi Iehova me thue madrine koi nyidro. (Mrk 10:9) Loi e tro la ketre keresiano a iëne la föi angeic thenge la itre trepene meköt i Iehova, matre cile hut me madrin la faipoipo i angeic.

Tro la inamacan a xatuane la keresiano troa iatre thupene lo ijine hna hape, “kola xötrei tru,” ke ijine lo lai kola elë la pi ce meköle trefën. Nge tro lai a ajolë angeic troa axecië mekune hnyawa. (1Ko 7:36) Huliwa inamacanëne jë la itre macatre hnei epun hna lapa cas, matre acatrene la imelekeu epun me Iehova me huliwane la itre thiina i Nyidrë. Celë hi ka troa xatua epuni elany troa mele madrin ngöne la epuni a faipoipo.

Qëmekene troa faipoipo me ketre, nyipiewekë tro epuni a ‘atre pengöi’ angeice hnyawa. (1Pe 3:4) Maine epuni a luelu ce ithanatane jë memine la trejin hnei epun hna pi faipoipo memin. Troa tro loi la faipoipo, e tro la trahmany maine föe a amë panëne la aja ne la ketre hune la sipu aja i angeic. (Fi 2:3, 4) Maine tro epuni a trongëne la itre trepene meköt qëmeken troa faipoipo, epuni hi lai a nyitrepene hnyawan la mele ne trefën i epun.

GOEËNE JË LA VIDEO HNA HAPE QËMEKENE TROA FAIPOIPO—GÖTRANE 3: “MEKUNE HNYAWA JU LA THUPEN,” NGE SA JË CAHU ITRE HNYING:

• Tune kaa Shane memine la trejin föe la nyidroti a nyiqane iatre?

• Nemene hë la hna öhne hnene la trejin föe thei Shane?

• Nemene la ixatua hna hamëne hnei kem me thin koi angeic? Nge nemene hë la hna kuca hnene la trejin föe?