Tro Sa Mejiun Ngöne La Kola Traqa La Itre Jol Göi Mani

Pine laka easa melëne la itre drai ne la pun, tru catr la itre jol ka traqa koi së. Easë a easenyi catre kowe la pun la fen celë, nge tro kö a ngazo catr la mele së. Tha tro kö sa sesëkötr ka hape, tro së a hane pë ewekë elany. (Hak 3:16-18) Nemene la ka troa xatua së troa cile kowe la itre jol göi mani? Catre jë së mejiun koi Iehova Akötresi së. Hnei Nyidrëti hna sisiny troa thupë së, nge atreine hi Nyidrë troa hamë së la ka ijij ngöne la itre ijine jol.—Sa 37:18, 19; He 13:5, 6.

La hnei epun hna atreine kuca:

• Sipo Iehova jë troa xatua epun, me köja gojenyi epun me hamë inamacan.—Sa 62:8

• Kapa ju la ketre huliwa, maine jë tha hnei epuni palakö hna hane kuca.—g-F 1/10 8-9, itre hna eköhagen

• Catre jë huliwa i Iehova, tune la troa e Tusi Hmitrötr e nöjei drai, me sine la itre icasikeu, me cainöj

GOEËNE JË LA VIDEO HNA HAPE XUPI UMA JË KA CILE HUT—“MEJI HNINE JU NYIPUNIE LA EWEKË HNA HETRENY,” NGE SA JË CAHU ITRE HNYING:

• Nemene la itre jol hna cile kow hnene la itre xaa fami?

• Nemene la ka nyipiewekë catr ngöne la mel?

• Nemene la aqane tro sa xatuane la itre trejin ka cile kowe la itre jol göi mani?