MELE NE KERESIANO
Thele Jë La Mekuna i Iehova
Aja i easë troa amadrinë Iehova ngöne la nöjei götrane la mele së. (Ed 27:11) Celë hi matre easa axecië mekune thenge la aja i Nyidrë, ngacama pëkö wathebo hna qaja. Nemen la ka troa xatua së?
Loi e tro palahi a ini Tusi Hmitrötr. Ame la easa e Tusi Hmitrötr ke, easa xomi ijin troa drei Iehova. Easa atre la mekuna i Iehova la easa goeën la aqane hnime Nyidrë la nöje i Nyidrë, me xomi ini qa ngöne la itre tulu ka loi me ka ngazo. Ame la easa axecië mekun, uati hmitrötr a amekunë së la itre ini me itre trepene meköt hne së hna inin e hnine la Tusi Hmitrötr.—Ine 14:26.
Ithele jë. Qëmeken tro epuni a axecië mekun, isa hnyinge jë ka hape, ‘Nemene la itre xötr maine itre hna melën e hnine la Tusi Hmitrötr ka troa xatua ni troa atre la mekuna i Iehova göne la jole celë?’ Thithi jë troa sipo ixatua koi Iehova, nge huliwane jë la itre jia ne ithel ngöne la qene hlapa i epun matre öhne me trongëne la itre trepene meköt ka ihmeku memine la jole hnei epuni hna melën.—Sa 25:4.
GOEËNE JË LA VIDEO HNA HAPE, LOI E TRO SA “NYENYAPE FË LA XOMI HNIN”—XOME JË LA GÖXEN KA LOI, NGE SA JË CAHU ITRE HNYING:
Nemene la itre jol hna cile kow hnene la trejin jajiny ngöne la video?
Tune kaa la aqane tro epuni a huliwane la itre nyine ithel matre troa atreine cile kowe la itre jol?
Ame la easa xomi ijin troa ithel me ini Tusi cas, nemene la thangan?—He 5:13, 14