Acatrene Jë La Madrine Ngöne La Fami

Aja i Iehova tro la itre fami a madrin. (Sa 127:3-5; Cai 9:9; 11:9) Ngo pine laka, easa mele ngöne la fen ka ngazo, nge itre atr ka tha pexeje kö la itre atre ne la fami easë matre ijiji hi troa thapa la madrine së. Matre, nemene la aqane tro së isa ala cas a acatrene la madrine ngöne la fami?

Tro la trahmany a metrötrëne la föi nyidrë. (1Pe 3:7) Nyidrëti a xomi ijine koi eahlo. Tha nyidrëti kö a upi eahlo troa kuca la itre ewekë hnei eahlo hna thatreine kuca. Nyidrëti pe a olene la hnei eahlo hna kuca koi nyidrë me kowe la itre nekö i nyidro. (Kol 3:15) Nyidrëti a amamane la ihnimi nyidrëti koi eahlo me qaja aloinyi eahlo.​—Ed31:28, 31.

Tro la föe a thele la aqane tro eahlo a xatuane la föi eahlo. (Ed 31:12) Eahlo a drei nyidrë me ce huliwa me nyidrë. (Kos 3:18) Eahlo a ithanata amenyikene koi nyidrë me qaja aloinyi nyidrë.​—Ed 31:26.

Tro la keme me thine a xomi ijine kowe la itre nekö i nyidro. (De 6:6, 7) Nyidroti a qaja la ihnimi nyidro koi nyudren. (Ma 3:17) Nge nyidroti a haji nyudren ce memine la ihnim me inamacan.​—Ef 6:4.

Tro la itre nekönatr a metrötrëne me drengethenge la kem me thine i nyudren. (Ed 23:22) Nyudren a fe la hni nyudren koi nyidro. Nyudren a kapa la ihaji qaathei nyidro me metrötrë nyidro.​—Ed 19:20.

GOEËNE JË LA VIDEO HNA HAPE MADRINE JË E HNINE LA FAMI, NGE SA JË CAHU HNYING:

Nemene la hna kuca hnene la kem, me thin, me lue jajiny matre troa acatrene la madrine ngöne la fami?