Hatrene Ihnimi Iehova La Ihaji

Ame ngöne la Tusi Hmitrötr, ame la hnëewekë ihaji, tre, kola qaja la troa hamë ini, maine amekötine pena. Iehova a haji së matre tro sa nyihlue i Nyidrë thenge la aja i Nyidrë. (Ro 12:1; He 12:10, 11) Nyipici, kola akötr la kola haji së, ngo e thupen, easa kapa la itre thangane ka loi, ke, hne së hna kuca la meköt. (Ed 10:7) Nemene la nyine troa mekun hnene la ka hamë ihaji, memine la hna hajin?

Ka hamë ihaji. Loi e tro la itre ka hamë ihaji, tune la itre qatre thup me itre keme me thin, a nyitipu Iehova, ene la troa ihaji cememine la ihnim me utipin. (Ie 46:28) Ngacama catre la ihaji, ngo loi e tro palahi a ihaji thenge la hna kuca hnene la atr, nge cememine la ihnim.—Tit 1:13.

Lo hna hajin. Loi e tro sa kapa la ihaji ngacama jole la aqane hamën. Easa isine troa canga trongëne la hna amekötine koi së. (Ed 3:11, 12) Pine laka, tha ka pexeje kö së, loi e tro palahi a haji së. Nyimu aqane haji së. Kola haji së ngöne la easa e la Tusi Hmitrötr, maine ngöne la itre icasikeu. Ame koi itre xan, hna acile la komite ne iameköti ngöne la ekalesia. Jëne mele koi së la ihaji.—Ed 10:17.

GOEËNE JË LA VIDEO HNA HAPE, “AME LA ITRE HNEI IEHOVA HNA HNIM, NYIDRËTI A HAJIN,” NGE SA JË CAHU ITRE HNYING:

• 

  Tune kaa la mele i Canon lo xötrei, nge hna saze tune kaa?

• 

  Nemene la aqane haji angeic hnei Iehova?

• 

  Nemene la itre ini hne së hna xom qa ngöne la hna melën hnei Canon?