MELE NE KERESIANO
Itre Kem Me Thin, Xatuane Jë La Itre Nekö i Epun Troa Kapa La Inamacan Qaathei Akötresie
Ame la ketre aqane tro la itre kem me thin a xatuane la itre nekö i angatr troa hetrenyi la inamacan qaathei Akötresie, ke ene la troa ini angatr troa xomi ini qa ngöne la itre icasikeu. Ame la hnei nyudren hna öhn, me dreng, me qaja ngöne la itre icasikeu, ke celë hi ka troa xatua nyudren troa atre Iehova, me nyisinee i Nyidrë. (De 31:12, 13) Maine ketre kem me thin epun, nemen la aqane tro epuni a xatuane la itre nekö i epun, troa xomi ini qa ngöne la itre icasikeu?
Isine jë troa sine la itre icasikeu ngöne la Uma Ne Baselaia.—Sa 22:22
Xomi ijine jë troa porotrik memine la itre trejin, qëmeken me e thupene la icasikeu.—He 10:25
Loi e tro asë hi la itre atrene la fami a hetrenyi la itre itus thatraqane la icasikeu, ngöne tablet maine pepa
Xatuane jë la nekö i epun troa hamë mekun.—Ma 21:15, 16
Qaja aloine jë la itre icasikeu, memine la itre ini hne së hna kapa
Ithuecatre jë koi nyudren troa hane nyidrawane la Uma Ne Baselaia, me troa porotrik memine la itre trejin ka qatr
Nyipici, tha ka hmaloi kö troa xatua nyudren troa nyisinee i Iehova. Ngo tro kö Iehova a hamë epun la trengecatr ka ijij.—Isa 40:29.
GOEËNE JË LA VIDEO HNA HAPE ITRE KEM ME THINE FE, MEJIUNE JË KOI IEHOVA ME KOWE LA TRENGECATRE I NYIDRË, NGE SA JË CAHU ITRE HNYING:
Ame la kola kucakuca hnei Zack me Leah, ke nemen la ka traqa koi nyidro?
Pine nemen matre nyipiewekë tro la itre kem me thin a sipo trengecatr koi Iehova?
Hnei Zack me Leah hna amamane tune kaa la mejiune i nyidro koi Iehova?