Tro Sa Öhne Ekaa La Itre Eamo Ka Lolo Koi Së Enehila?
Pëkö ewekë ka hut ngöne la fene celë, matre tro sa atre tune kaa ka hape, ka lolo la aqane axecië mekune së? Tro sa atre tune kaa ka hape, ame la ewekë ka loi enehila, ke tha tro kö a ngazo elany?
Tro la Tusi Hmitrötr a xatua epun troa axecië mekun, nge tha tro kö epuni a ietran e thupen. Hnauëne la easa qaja tun? Pine laka, qaathene la Atre Xupi së la Tusi Hmitrötr, nge atre kö Nyidrë la nyine tro sa kuca matre tro sa madrin me mele tingeting.
“Ase hë nyidëti amamane koi ’ö, . . . la ka loi.”—Mika 6:8.
Loi e tro sa mejiune kowe la inamacan ne la Tusi Hmitrötr. Ke ame la itre eamo ne ej, ke “ka nyipici pala hi, enehila nge uti hë epine palua.”—Salamo 111:8.
Hapeu, tha aja i epuni kö troa atre la aqane tro la Tusi Hmitrötr a eatrongë epun, ngöne la fene celë ka saze mekun lapa?