Thele Jë La Itre Mekun Ka Sisitria Me Trongëne La Itre Ini

Ame la easa e la Tusi Hmitrötr, ke tro së lai a öhne la itre mekune ka sisitria, e hne së hna ithel. Ngo, tro sa kepe thangane tune kaa la hne së hna ithel?

Sine thele jë la hna melën. Hnyinge jë ka hape, drei la ka cinyianyin? Koi drei? Nge hna cinyanyine eu? Goeëne jë la itre ewekë ka traqa ngöne la ijine cili, me itre ewekë ka traqa qëmeken me e thupen.

Xomi ini jë. Loi e troa hnyinge ka hape: ‘Nemene la aliene hni ne la itre atr e celë? Nemene la itre thiina hnei angatr hna amaman? Pine nemene matre loi e tro eni a nyitipune la itre thiina i angatr ka lolo, me neëne la itre huliwa i angatr ka ngazo?’

Trongëne jë la itre ini. Trongëne jë itre ej ngöne la hna cainöj maine ngöne la aqane imelekeu i epun me itre xan. Tro hë epuni lai a inamacan tune la hna qaja hnei Tusi Hmitrötr ka hape: “Dei la ka inamacane troa öhne la nöjei ewekë cili.”​—Sal. 107:43.

• Nyine lapa mekun: Goeëne hnyawane ju la aqane tro la götrane la icasikeu ne la wiik hna hape, Itre Trengamo Qa Hnine La Tusi Hmitrötr, a xatua epun troa lapa mekune la aqane trongëne la itre ini. Hetrenyi e cili la itre hnying, me itre mekun nyine sine thel, me itre foto.