Nyine Lapa Mekun

Aqane Troa Atre La Itre Thiina i Iehova

Ame la easa e Tusi Hmitrötr, nyipiewekë tro sa huliwane la itre jia ne ithel matre trotrohnine la itre hne së hna e. Ngo tha easë kö a ithel göne hi troa atre hnyawa la aliene la Tusi Hmitrötr. Aja i easë pe troa atrepengö i Iehova hnyawa, matre acatrene la ihnimi së koi Nyidrë. Loi e tro sa isa hnying ka hape, ‘Nemene la thiina i Iehova hnenge hna öhne ngöne la xötre celë?’

Thele jë la aqane mama la ihnim, me inamacan, me meköt, me men i Iehova, la epuni a e. Ngo tha celë hmekuje kö la itre thiina i Iehova. Hetre xaa thiina i Nyidrëti kö ka mingöming. Tro epuni a atre tune kaa la itre thiina i Nyidrëti cili?

Tro jë kowe la Nyine Thele Mekune Ne La Itretre Anyipici Iehova ngöne la götrane hna hape, “Iehova Akötresie” fene la hna hape, “Pengö i Iehova.” Maine hetre thiina i Iehova hnei epuni hna öhne la epuni a e Tusi Hmitrötr, ke tro jë kowe la sine itusi cili, matre troa atre hnyawa la thiina i Nyidrë.