Itre Hlue i Iehova a Metrötrëne La Hnei Angatr Hna Sisiny

E jë la Angetre Amekötin 11:​30-​40 matre öhne la aqane eatrëne Iefetha me nekö i nyidrë jajinyi la itre hnei nyidro hna sisiny.

Wange ju la itre xötr ka tro pa me ka tro pi. Tune kaa la aqane goeën la angetre Isaraela ka mele nyipici la itre hnei angatr hna sisiny koi Iehova? (Num. 30:2) Tune kaa la aqane amamane Iefetha me nekö i nyidrë jajinyi la lapaune i nyidro koi Iehova?​—Ang. A. 11:​9-​11, 19-​24, 36.

Sinethele jë la hna melën. Ame lo Iefetha a sisinyi koi Iehova, nemene jë la mekuna i nyidrë? (w16.04 5-6 par. 12) Nemene la hnei Iefetha me nekö i nyidrë jajinyi hna kuca, matre tro Iefetha a eatrën la hnei nyidrëti hna sisiny? (w16.04 6-7 par. 14-​16) Nemene la itre isisinyikeu hna kuca hnene la itre keresiano enehila?​—w17.04 7-9 par. 10-​19.

Nemene la itre ini? Isa hnyinge jë ka hape:

• ‘Nemene la ka troa xatua ni troa metrötrëne la hnenge hna sisinyi koi Iehova?’ (w20.03 13 par. 20)

• ‘Nemene la nyine tro ni a kuca matre tro ni a huliwa catre koi Iehova?’

• ‘Nemene la nyine tro ni a kuca matre tro ni a eatrëne la hnenge hna sisinyi kowe la föeng me metrötrëne la faipoipo?’ (Mat. 19:​5, 6; Efe. 5:​28-​33)