Hnauëne Laka Kolo Pala Kö a Isi Me Ihumuth

NGAZO

Hnei Akötresie hna xupe la pane kem me thine së, Adramu me Eva hnaiji Nyidrë. (Genese 1:27) Kolo hi lai a hape, hna mama thei nyidro la itre thiina i Akötresie, ke Nyidrëti la Akötresie ne tingeting me ihnim. (1 Korinito 14:33; 1 Ioane 4:8) Ngazo pe, hnei Adramu me Eva hna tha drei Akötresie, matre ame la pun, ngazo asë hë me mec la itre atr. (Roma 5:12) Ngazo a ukune la itre atr troa hetre mekun, me kuca la itre huliwa ka iakötrë.—Genese 6:5; Mareko 7:21, 22.

AQANE MUSI ATR

Tha hnei Akötresieti kö hna xupe la itre atr troa sipu mus koi angatre kö. Öni Tusi Hmitrötr: “Tha qanyine kö la atr ka tro, troa amekötin la hnei angeic hna feke ca.” (Ieremia 10:23) Celë hi matre, thatreine kö la itre musi atr troa apëne la itre isi me ihumuth.

SATANA ME ITRE DREMONI

Öni Tusi Hmitrötr “fene hnengödrai asë a lapa fene la musi ne la atre ka ngazo.” (1 Ioane 5:19) Satana Diabolo la “atre ka ngazo” me atre ihumuth. (Ioane 8:44) Satana me itre u ka ngazo la atrekë zöne la itre isi me itre ihumuth.—Hna Amaman 12:9, 12.