Troa Huliwane Hnyawane La Ithulu

Hnei Iakobo hna aceitunëne la Tusi Hmitrötr me ithulu, ka troa xatua së troa goeëne la nyipi pengö së. (Iako. 1:22-25) Tune kaa la aqane tro sa huliwane hnyawane la Tusi Hmitrötr ceitu me ithulu?

E hnyawane jë. Maine tro sa goeë nyimenyimë së ngöne ithulu, tha tro kö së lai a öhne la itre xaa götran nyine troa saze. Maine easa ajane troa atre la nyipi pengö së, nyipiewekë tro sa e hnyawane la Tusi Hmitrötr.

Goeë eö ju ngo tha itre xane kö. Ame itre xaa ijin, easa thulu, nge öhne hi së la itre xan ngöne la ithulu. E cili, easë pena a goeëne la itre engazo i angatr. Ketre tun, ame la easa e Tusi Hmitrötr, ke easa öhne la itre gele itre xan. Ngo tha tro kö lai a xatua së troa saze la itre sipu thiina së.

Troa atreine tulu ewekë. Maine tro sa goeëne catrëne la itre tria së ka mama ngöne la ithulu, ke tro së lai a dekurag. Loi e tro sa atreine tulu ewekë la easa e Tusi Hmitrötr, me goeë së tune la aqane goeë së hnei Iehova.—Iako. 3:17.