Xomi Ini Jë Qa Ngöne La Itre Foto

Nyimutre la itre foto ngöne la itre itusi së, ka ini së la itre ini ka tru. Tune kaa la aqane tro sa kepe thangane qa ngöne la itre foto cili?

• Qëmekene troa e la ketre tane mekun, pane goeëne jë la itre foto. Tro itre ej lai a ahlëne thei eö la aja troa e. Ceitune hi lai memine la easa goeëne la ketre öle xen, kola ahlëne the së la trenge pi xen. Matre isa hnyinge jë ka hape, ‘Nemene la hnenge hna öhn?’—Amo. 7:7, 8.

• Ame la eö a e la tane mekun, mekune jë la itre kepin matre kola amë la itre foto cili e kuhu hnin. E jë la itre hna cinyianyine e kuhu fen la itre foto, me itre hna qejepengön. Isa hnyinge jë ka hape, ‘Nemene la itre ini ka mama ngöne la tane mekun me ngöne la itre foto, nge tune kaa la aqane tro sa trongën?’

• Thupene la eö a ase e la tane mekun, goeëne hmaca ju la itre foto, matre amekunë eö la itre ini ka tru. Mekune hmaca jë la itre foto memine la itre ini hna hamën hnei itre ej.

• Wange hmaca ju la itre foto ka ej ngöne la zonale celë, matre wange ka hape, mekune pala kö eö la itre ini hna hamën hnei itre ej.