Huliwane Jë La Itus Gojenyi Kowe La Nyipi Mel! Matre Tro La Itre Xan a Lapaune Koi Iehova Me Iesu

Nyipiewekë tro la ketre ka ini Tus a catre lapaun matre troa amadrinë Akötresie. (He 11:6) Nyipiewekë tro sa huliwane la itus Gojenyi Kowe La Nyipi Mel! matre troa ketr la hni angeic. Ame ngöne la itusi celë, hetre hnying hna hnëkëne hnyawan, me itre xötr qa hnine la Tusi Hmitrötr, me itre mekune ka lualai, me itre video, me itre iatr. Loi e tro sa xatuane la ka ini Tus troa huliwane la itre thiina me nyisinee i Akötresie, matre tro angeic a tune la uma hna xupe hnyawan, nge ka cile catr qëmekene la eë.—1Ko 3:12-15.

Ame itre xan, jole koi angatr troa nyisineene la Akötresie, hnei angatr hna tha öhn. Matre qa së troa amamai angatre la pengöi Nyidrë matre tro angatr a lapaun.

GOEËNE JË LA VIDEO HNA HAPE, HULIWANE JË LA ITUS “GOJENYI KOWE LA NYIPI MEL!” MATRE TRO LA ITRE ATR A LAPAUNE KOI IEHOVA, NGE SA JË CAHU ITRE HNYING:

• Nemene la ka amamane laka, ka hnëkë hnyawa la trejin kowe la ini Tusi angeic?

• Nemene la aqane kuca la trejin matre tro la ka ini Tus a fe la hni angeic la kola qaja la tusi Isaia 41:10, 13?

• Hna ketr tune kaa la ka ini Tus hnene la video me itre xötr?

Alanyim la itre atr ka wangacone la thupene mel, nge ame koi angatr tha ketre ahnahna kö qaathei Akötresie. (Ga 2:20) Matre loi e tro sa xatua angatr troa lapaune kowe la mel hna huujëne hnei Iesu.

GOEËNE JË LA VIDEO HNA HAPE, HULIWANE JË LA ITUS “GOJENYI KOWE LA NYIPI MEL!” MATRE TRO LA ITRE ATR A LAPAUNE KOI IESU, NGE SA JË CAHU ITRE HNYING:

• Nemene la ka amamane laka, ka hnëkë hnyawa la trejin kowe la ini Tusi nyidrë?

• Nemene la aqane huliwane nyidrë la götran “Itre Xaa Nyine Wang” matre troa xatuane la ka ini Tus?

• Pine nemene matre nyipiewekë tro sa thith memine la ka ini Tus, nge tro fe angeic a thithi cas?