Hnëkëne Jë La Hni i Eö

Ame la easa ini Tusi Hmitrötr, aja së tro la itre mekuna i Iehova a löth la itre mekuna së, me itre aliene hni së, memine la itre aja së. Ezera la tulu koi së. Pine nemen? Pine laka hnei Ezera “hna hnëkëne la hni angeic troa inine . . . la Wathebo i Iehova.” (Eze. 7:10) Tune kaa fe la aqane tro sa hnëkëne la hni së?

Thithi jë. Loi e troa thith, qëmekene troa ini Tusi Hmitrötr. Sipo Iehova jë troa xatua eö troa trotrohnin me trongën la hnei eö hna inin.—Sal. 119:18, 34.

Loi e troa ipië. Iehova a juetrëne la nyipici kowe la itre ka pi tru, itre ka mejiun kowe la sipu inamacane i angatr. (Luka 10:21) The ithele kö göne hi matre troa pi mama. Loi e tro eö a ipië, me saze la mekuna i eö, e tha ka ihmeku kö memine la mekuna i Iehova.

Maine ijij, drenge ju la ketre nyima ne la Baselaia. Ka hetre emenene catr la miuzik. Ijije hi tro ej a ketr la hni së, me hnëkë së troa thil koi Akötresie. Ame la easa dreng la ketre nyima qëmekene troa ini Tus, easë hi lai a hnëkën la hni së.