Itre Mekun Koi Ini Tusi Cas Me Hmi Ne La Fami

Easa ce atrunyi Iehova ngöne la itre ijine icasikeu me asabele, ngo memine fe la easa ini Tusi cas me hmi ne la fami. Hane hi la itre xaa mekun kowe la ini Tusi cas me hmi ne la fami i epun:

• Hnëkëne jë la itre icasikeu. Thinge jë la itre nyima ngöne la hnalapa me xatuane la itre atrene la fami epun troa hnëkëne la ketre mekun kowe la itre icasikeu.

• E jë la itre hna melën e hnine la Tusi Hmitrötr. Thupene lai, desëne jë lai hna melëne maine pena troa cinyianyine la hnei epuni hna trotrohnin.

• E jë la ketre thith e hnine la Tusi Hmitrötr. Nge lapa mekune jë la aqane tro ej a xatua epuni troa hnëkëne hnyawane la itre thithi epun.

• Goeëne jë la ketre video ngöne jw.org, nge ce ithanatane jë me itre xan maine cinyianyine la ini hnei epun hna xome qa ngöne ej.

• Hnëkë jë kowe la huliwa ne cainöj, tune la troa kuca la itre iamacany.

• Goeëne jë la itre hna xup, nge lapa mekune jë la itre ini göi Iehova maine ce ithanatane memine la itre atrene la fami.a