Aqane Troa Kuca Matre Tha Tro Kö a Thëthëhmine La Itre Xötr

Hna hane fe kö traqa koi eö troa thëthëhmine la ketre xötr hnei eö hna ajan, maine thatre hë eö ka hape, e kaa e hnine la Tusi Hmitrötr? Maine jë ketre xötre lai ka akeukawanyi eö, maine ka xatua eö troa isi memine la itre mekune ka ngazo, maine hnei eö hna pi ce thawa me ketre. (Sal. 119:​11, 111) Hane hi la itre xaa mekun ka troa xatua eö, matre tha tro kö eö a thëthëhmine la itre xötr.

• Huliwane jë la götrane hna hape, “Catégories” ngöne la appliction JW Library^®. Fe jë la ketre catégorie, nge cinyianyine ju ka hape, “Itre Xötr Hnenge Hna Ajan.” Nge e cili makëne ju la itre xötr, matre tha tro kö eö a thëthëhmin.

• Amë ju la xötr hnei eö hna ajan ngöne la ketre götran ka canga mama koi eö. Cinyianyine ju lai xötr ngöne la ketre sine pepa, nge afedrene ju ngöne la ketre götrane ka canga mama koi eö. Ame la itre xan, ke angatr a afedren ngöne la ithulu, nge ame itre xan, ngöne firigider. Ame pena itre xan, angatr a kuci capture d’écran ne lai xötr me amë ngöne fond d’écran ne la ordinatör i angatr, maine tablet maine telefon i angatr.

• Cinyianyine jë ngöne la itre neköi fiche. Ame ngöne la pane götrane lai pepa, cinyianyine ju lai tus, me meken, me xötr, nge ame ngöne la ketre götran, troa cinyianyine la aliene lai xötr. E thupen, goeëne ju la xötr, nge thele jë troa e gufan la aliene lai xötr. Maine pena, thupene la hna goeëne la aliene la xötr, ke thele jë troa atre la xötr ka ihmeku.