Tus Qaathei Collège Central
PINE laka easë a easenyi trootro kowe la fene ka hnyipixe, nyipi ewekë catr tro sa catre treqe Iehova. (Zef. 3:8) Hna qaja hnei perofeta Daniela ka hape, “Akötesie . . . ate amamane la ite ewekë ka sihngöd, me thue macanyi cilie . . . la ite ewekë ka troa xulu epin.” (Dan. 2:28) Drei la ketre madrine ka tru e troa mele enehila ngöne lai hneijine hna ahnithe hë, me troa trotrohnine la itre ewekë ka sihngödri Akötresie laka mama hnyawa ha enehila!
Jëne la “hlue ka nyipici me ka inamacan,” hnei Iehova hna amamane trongën la aja i Nyidrë troa acaasin e cailo fen la “ka ala nyimu atraqatr,” ene la itre ka thili koi Nyidrë ngöne la itre hneijine ka jol hna hape “ite drai hnapin.” (Mat. 24:45; Hna ama. 7:9; 2 Tim. 3:1) Kola qejepengön hnei Isaia 2:2, 3 lai ewekë cili ka traqa ngöne “la ite ewekë ka troa xulu epin.” Ame ngöne la nöjei macatre, kola icasikeune pala hi la itre atr, nge ketre kolo pala hi a catrehnine la iakötrë e celë fen.
Qaane lo treu Januare koi Diseba 2004, hne së hna öhne hnyawa la enyipiewekën la troa drengethenge la itre trenge ewekë i Iesu hna hape: “Hmekënejë . . . Lapa maca jë nyipunie.” (Mat. 24:42, 44) Eje hi lai laka, ame la itre ewekë ka traqa kowe la fen, tre, atraqatre catr la aliene itre ej kowe la itre Keresiano, ka atrehmekun la “nöjei hatene la nöjei ijin” nge ka huliwa thenge itre ej. (Mat. 16:1-3) Kola eatr la Wesi Ula i Iehova, nge ketre Nyidrëti a troa ce memine la nöje hnei Nyidrëti hna hnëkëne matre troa kuca la huliwa i Nyidrë, ngacama angatr a cile kowe la icilekeu.
Ngacama kola thele hnene la itre xaa atr troa ananazijëne maine troa sawa la huliwa ne cainöjëne la maca ne Baselaia, ngo kolo pala hi a catre tro fë la nyipici hnene la itre trejin me ce traqa itronyi troa icasikeu. (Ite hu. 5:19, 20; Heb. 10:24, 25) Ame ngöne lo treu Juun 2004 e Russie, tre, hna axeciën hnene la itretre cilën la hna kootr e Moscou, troa wathebon la itre huliwa ne la Itretre Anyipici Iehova, me thele troa apën la asosiasio i angatr ngöne la nöje cili. Ngo thaa hna cile xou kö hnene la itre trejin troa kuca la aja i Akötresie; atre hi angatr la hnei Akötresieti hna thele thei angatr, nge angatr a drengethenge Nyidrë ceitu me ketre Atre Mus hune la troa drei atr. (Ite hu. 5:29) Easë a mejiune laka tro Iehova a eatrongën la itre hlue i Nyidrë matre tro angatr a atreine cile kowe la nöjei pengöne icilekeu qaathei mus.
Ame ngöne lo itre hnepe macatre ka ase hë, tre, hna akötrën la itre trejin ne la ketre nöj République de Géorgie la ëjen; hna thapa la itre ewekë i angatr hnene la itre atr ka ala nyim, hna qanangazo angatr, me dreuthe trij la itre itusi angatr. Ngo pëkö ewekë hna kuca nyine isi ka ie. (Is. 54:17) Ame ngöne la macatre ne huliwa 2004, hna kapa hmaca hnei musi la huliwa ne cainöj ngöne la nöj e Géorgie. Hna kuca la itre kovasio ngöne la tingeting, nge thaa jole kö troa kapa la itre itus ngöne la nöj. Kola elë mina fe la etrune la itretre cainöj me itre ka sin la Drai Ne Amekunën.
Ame e Arménie, me Eritrée, me République de Corée, Rwanda, me Turkménistan, hna akalabusin la itre trejin pine la lapaune i angatr. Ngacama hna qanangazo angatr, atre hi angatr jëne la Tusi Hmitrötr la kepin la itre jol ka traqa koi angatr; kepin ka xatua angatr troa catre mele nyipici me mejiune la iamele qaathei Iehova.—1 Pet. 1:6; 2 Pet. 2:9.
Ame ngöne la nyipunie a goeën lo Rapor ne la Macatre Ne Huliwa 2004 ngöne lo zonal, La Tour de Garde ne 1 Febuare 2005, tro nyipunie a madrin la aqane ihnimi Iehova. (Sal. 31:19; 65:11) Eahuni a mejiune laka, tro la rapore cili a xatua nyipunie troa catre kuca la ewekë ka amadrinë Akötresie.—1 Thes. 4:1.
Tru catre pala hi la itre hna kuca matre troa ketr la nöjei pengöne atr hnene la nyipici. Hanawang la ketre ceitun, hna hnëkën la itre video me itre DVD, me itre xaa jiane huliwa göi itre ka qene hum, me itre itus thatraqane la itre ka ti mek, matre troa xatuane la itre ka sim me itre timek troa hane kökötr ngöne la götrane la ua. Hnene la itre xaa trejine ka nyimutre hna inine la itre qene hlapa hna ithanatan hnene la itre ka traqa troa mele ngöne la teritoare i angatr.
Ketre, hetrenyi la itre hadredr la etrun la itre hnepe gurup ka mele ngöne la itre götran ka jole catr troa cainöje ngön. Eje ngöne la ketre filial, la 300 lao gurup ka lapa caas pine laka nany maine jol göi gojeny, kola e la 7 000 lao ka cainöj. Drei la ketre ewekë nyine troa wangatrun thatraqane la itre ekalesia ka hnyipixe elany! Ketre, 16 760 607 la etrun la itre atr ka sin la Drai Ne Amekunën ngöne la macatre ne huliwa celë, kösë 10 milio la etrun la itre atr laka, thaa itre Temoë i Iehova kö. Nyine tro hi lai a amamane hnyawa ka hape, macaje hë la hlapa nge ijine tro ha menuën.
Easë a olene koi Iehova la manathithi qaathei Nyidrë, memine la aqane thupë së me hnimi së hnei Nyidrë ngöne la nöjei drai ne mele së. (Ite edomë 10:22; Mal. 3:10; 1 Pet. 5:7) Easë a mejiune me lapaune koi Iehova, ngöne la easë a catre thele troa caasi enehila, ene la itre “drai ka xulu epin.” Ngacama tro sa qëmeke kowe la ketre jol me ketre jol, ngo loi e tro sa lapa fë hnyawa e kuhu itre hni së la topik ne la macatre 2005: “Iehova la ate xatua ni.” (Sal. 121:2) Atraqatre la ihnimi huni koi nyipunie, nge eahuni mina fe a thithi thatraqai nyipunie.
Itre trejin me nyipunie,
Collège Central Ne La Itretre Anyipici Iehova