Tusi Bethela

Drei La Tusi Hun Koi Nyipunie Itretre Cainöj:

“Hnei Akötesieti hna acaian.” (1 Kor. 3:6) Drei la madine ka tru the së qa ngöne laka kola kökötre catr la huliwa ngöne la hna cainöje trootro! Ame ngöne la macatre ne huliwa 2003, kola e la 250 lao atr ka nyiqaane inin la Tusi Hmitrötr ngöne hmekuje hi e Kaledonia. Celë hi ketre ewekë ka lolo catr. Nge ala nyimu catre mina fe la itre atr ka traqa troa hane sin la Drai Ne Amekunën ngöne la macatre 2003: ala 7 069 la etrun kowe la köni nöj, nge kola elë pala fe e Kaledonia 5 083 la etrun, nge 1 679 e Tas.

Iehova fe a amanathithin la huliwa ne xupi Uma Ne Baselaia. Ame ngöne lo macatre ka ase hë, hna nue koi Iehova maine xupe fe la itre xaa Uma Ne Baselaia e Tas me e celë e Kaledonia, nge ame e Walis tre, hna xupe atrun la Uma Ne Baselaia. Easë a olene kowe la nöjei atr asë ka hane ixatua troa xupe la itre uma cili. Epi tro sa sikusikune troa nyihnyawane pala hi la itre Uma Ne Baselaia së.

Hetre hna amekötine ka hnyipixe hna hnëkëne thatraqane la troa feja itus matre troa cainöje fë e cailo fen; hna thue itre xaa huliwa kowe la itre filial ka hetrenyi la hna feja itus. Ame kowe lo itre itusi së hna fejan ekö e Amerika, tre kolo pena ha troa fejane hmaca itre eje e Zapo; ngo ame kö koi itre zonal qene Faras, Papale, qene Tas me Walis tre hna fejane itre ej e Osetralia, tune mina fe lo nöjei boroshüre asë hna ujën ngöne la itre qene hlapa së. Eahuni a olene atraqatr la aqane sajuëne nyipunie la huliwa cili hnene la itre ahnahna hnei nyipunie hna hamën, ene pe kola kökötre hnyawa pala hi la huliwa cili.

Easë hë la a troa xejë la macatre ne huliwa 2004, eahuni a ce thithi me nyipunie matre troa sipo Iehova troa ‘acian’ me akökötrene hnyawa la huliwa ngöne la macatre celë.

Itre trejin me nyipunie,

Filial Ne Kaledonia