MEKENE 02

Tusi Hmitrötr a Thingehnaean La Mel Elany

Troa Imprimer

Ame ngöne la fen, ke, ame la itre atr, angatr a thel la aqane troa cile kowe la itre jol ka ahleuhleunyi angatr, me akötrë angatr. Ma ase hë epuni ixelë memine la itre jole cili? Tune la kola tithi epun hnei mec, me mec la ketre atr hnei epuni hna hnim. Matre epuni a hnying ka hape, ‘Tro jë kö a tro loi la mele i epun elany?’ Tro la Tusi Hmitrötr a sa hnyawane koi epun la hnyinge celë.

1. Nemene la mele ka lolo hnei Tusi Hmitrötr hna qaja?

Ej a qaja la kepin matre kola ngazo catre la fen. Ngo, eje fe a qaja la ketre maca ka lolo: Easenyi hë troa patre la itre jol. Tusi Hmitrötr a qaja laka, tro hë la itre atr a “hetre mele ka lolo [elanyi] me hetre mejiun.” (E jë la Ieremia 29:11, 12.) Matre, kola xatua së troa cil kowe la itre jol matre tro palahi sa hetre mekun ka loi, me madrin.

2. Nemene la mele ka lolo hnei Tusi Hmitrötr hna thingehnaean?

“Pë hmaca kö mec, me hleuhleu, me treij, me akötr.” (E jë la Hna Amaman 21:4.) Matre ame la itre jol ka ahacene la mele së tune la pë mo, me itre thiina ka tha meköti kö, me itre sine kucakuca, me mec, ke tro ha patr. Tusi Hmitrötr a qaja ka hape, tro la itre atr a mele madrin uti hë epin ngöne la paradraiso e celë fen.

3. Tro sa jelenyipicine tune kaa ka hape, ame la itre hna thingehnaean hnei Tusi Hmitrötr, ke, tro ha eatr?

Hetre hna mejiune kow hnene la atr, ngo thatre pe angeic ka hape, troa eatr tune kaa. Ngo ame pe Tusi Hmitrötr, ke, ka qaja, nge troa eatr. Nge maine easa ajan troa jelenyipicin, loi e tro sa “sine thele” la trengewekë i Akötresie. (Itre Huliwa 17:11) Tro la itre hnei epuni hna inin, a aijijë epun troa kapa maine tha kapa pena la mele ka lolo hna qaja hnene ej.

TROA CE ITHANATAN

La pengöne la mel elany, memine la itre hna thingehnaean hnei Tusi Hmitrötr, me mejiune hna qaja hnene ej.

Iatr: Kola amamane la eisapengönene la mele ne la itre atr enehila memine la mel hnei Tusi Hmitrötr hna qaja amë. Troa qejepengöne e thupen.

4. Mejiun hna hamën hnei Tusi Hmitrötr: mele ka pexej me ka pë pun

Tro sa ce e la itre hna thingehnaean ngöne la Tusi Hmitrötr. Nemene la ka ketri epun? Nge pine nemen?

Thupene la ketre hna thingehnaean, e jë la itre xötr, nge lapa mekune ju cahu itre hnying:

Hapeu, epuni kö a mejiune kowe cahu itre xötr? Epuni kö a mekun ka hape, tro fe a hane hamë mejiune kowe la fami epun me itre sinee i epun?

Pane mekune jë laka,

PË HMACA KÖ ATR . . .	NGO TRO HË LA NÖJEI ATR ASË . . .
ka akötr, ka qatr me ka troa mec.—Isaia 25:8.	a iöhnyi hmaca e celë fen memine lo itre sinee i angatr ka meci hë.—Ioane 5:28, 29.
ka troa kucakuca me adikape.—Isaia 33:24; 35:5, 6.	a egöcatr me pepeija.—Iobu 33:25.
hna troa akötrën hnene la itre thiina ka tha meköti kö.—Isaia 32:16, 17.	a tiqa hnene la xen, me uma ka lolo troa mele ngön, me huliwa ka loi.—Salamo 72:16; Isaia 65:21, 22.
hna troa akötrëne hnene la itre isi.—Salamo 46:9.	a mele tingeting.—Salamo 37:11.
hna troa akötrëne hnene la itre mekune ka ngazo.—Isaia 65:17.	a hetre mele ka pë pun ngöne la fene ka lolo.—Salamo 37:29.

Ketre nekönatr ka wezipo ekö a haluth la thine i nyën.

Ketre qatr ekö, thupëtresiji hmaca ha, kola ukune la buruet ka tiqa hnei xen.

5. Tro la mejiune i epun kowe la Tusi Hmitrötr a saze la mele i epun

Ame la kola öhne la nöjei jol hnene la itre atr, ke, kola akucakucanyi angatr me aehlëhni angatr. Nge itre xan a thel troa saze la aqane mel. Wange ju la aqane xatuane la itre atr hnene la hna qaja ka hape, tro hmaca ha loi la itre drai elany. Goeëne jë la VIDEO, nge ce ithanatane jë cahu itre hnying:

VIDEO: Hnenge Hna Thel Troa Isigöline La Meköt (4:07)

Iatr: Qa ngöne la video ‘Je ne pense plus devoir changer le monde.’ 1. Ame la kola nekönatr hnei Rafika, ke, huliwa i angeic la troa menuë koto memine la itre xaa atr ne la nöje i angeic. 2. Ame la kola xötrei sine la asabele ka tru ne la Itretre Anyipici Iehova hnei Rafika, angeic a sesëkötr laka, ngacama isapengöne la itre atr ngo atreine angatr ce mel.

Nemene la ewekë ka tha meköti kö ka akötrë Rafika?
Ngacama tha patre kö la ewekë ka tha meköti cili, ngo tune kaa la aqane xatua Rafika hnei Tusi Hmitrötr?

Ame la mele ka lolo hna thingehnaean hnei Tusi Hmitrötr, ke, kola thuecatre së me xatua së troa elë hune la itre jol. E jë la Ite Edomë 17:22 me Roma 12:12, nge ce ithanatane jë cahu itre hnying:

Epuni fe kö a mekune ka hape, ame la maca ne mejiun, ke tro kö a aloine la mele i epun enehila? Nge pine nemen?

HNE SË HNA MAJEMINE DRENG: “Ma tha ka nyipici kö la Tusi Hmitrötr.”

Ame koi epun, ke, pine nemene matre nyipiewekë tro sa isa wang ka hape, ame la hnei Tusi Hmitrötr hna qaja, ke, ka nyipici?

HANE HI LA HNE SË HNA CE WANG

Tusi Hmitrötr a thingehnaean ka hape, easenyi hë matre mele madrine jë së, nge ame la mejiune cili, kola xatua së troa cile kowe la itre jol.

Nyine Amekunën

Pine nemene matre tro la atr a hetre hna mejiune kow?
Nemene la hna qaja hnei Tusi Hmitrötr kowe la itre drai elany?
Tune kaa la aqane tro la Tusi Hmitrötr a xatuane la mele i epun qaane enehila?

Hna afenesine la mekene celë lo:

Nyine Tro Ni a Eatrën

Tro ni acatrene la mejiuneng kowe la Tusi Hmitrötr, e tro ni a e la itre xötr ngöne la mekene celë.

Ketre nyine tro ni a eatrën:

Your other goal

ITRE XAA NYINE WANG

E jë la itre xaa itus ka qejepengöne la ecatrene la mejiun.

“ L’espoir : où le trouver ? ” (Hmeke Jë! 22 Eiperem 2004)

Hnene la mejiun kowe la mele ka lolo hna xatuane la itre atr ka wezipo.

“ Vivre avec une maladie chronique : la Bible est-elle utile ? ” (Itus jw.org)

Goeëne jë la video, nge mekune jë ka hape, epun me fami epun ngöne la paradraiso hna qaja hnei Tusi Hmitrötr.

Lapa Mekune Jë La Drai Cili (3:37)

E jë la ketre hna melën hnene la ketre atr, ke, hna saze la mele i angeic jëne la itre hna thingehnaean hnei Tusi Hmitrötr.

“ Je ne pense plus devoir changer le monde ” (Ita Ne Thup 1 Julai 2013)