MEKENE 48
Iëne Hnyawane Jë La Itre Sinee i Epun
Aja së catr troa ce lapa memine la itre sinee së. Ame la kola traqa koi së la jol, easa canga hë angatr. Ame e hnine la Tusi Hmitrötr, hna hane fe qaja la pengöne la itre sinee. Nge ej a ithuecatre koi së troa iëne hnyawane la itre sinee së. Tro sa ce wange la hna qaja hnei Tusi Hmitrötr göne lai.
1. Hnauëne la tro sa iëne hnyawane la itre sinee së?
E tro sa majemine ce tro lapa memine la ketre atr, tro hë së lai a xome la itre thiina i angeic ka loi maine ka ngazo. Tune hi la itre sinee së ngöne la itre réseaux sociaux. Öni Tusi Hmitrötr: “Ame la ka ce tro me itre ka inamacan, tro angeic a inamacan. Ngo troa ixelë me ngazo, la atr ka ce tro me itre hmo [kolo itre ka tha nyihlue i Iehova kö].” (Ite Edomë 13:20, MN) Ame la itre sinee së ka hnimi Iehova, ke tro angatre lai a xatua së troa xomi mekune ka loi, me upi së troa qale catre koi Iehova. Ngo ame la itre sinee së ka tha hnimi Iehova kö, ke tro angatre lai a ananyi së qaathei Nyidrë. Celë hi kepine matre loi tro sa iëne hnyawane la itre sinee së! E ka imelekeu hnyawa la itre sinee së me Iehova, tro hë lai a hetre thangane ka loi koi së, me koi angatre fe. Celë hi matre öni Tusi Hmitrötr: “The mano kö ithuecatrekeu me itö ixatua.”—1 Thesalonika 5:11.
2. Pine nemene matre ka tru koi Iehova la tro sa iëne hnyawane la itre sinee së?
Ame Iehova, tha Nyidrëti kö a nyisineene menune la nöjei atr. ‘Ngo Nyidrëti pe a nyisineene la itre atr ka meköt.’ (Ite Edomë 3:32) Tune kaa Iehova la easa nyisineene la itre ka tha nyihlue i Nyidrëti kö? Tha tro kö Nyidrëti lai a madrine koi së! (E jë la Iakobo 4:4.) Tro pe Nyidrëti a madrine koi së, e tro sa nyisineene la itre ka hnimi Nyidrë, me nuetrije la itre sinatro ka ngazo.—Salamo 15:1-4.
TROA CE ITHANATAN
Tro sa ce wange la kepin matre nyipiewekë tro sa iëne hnyawa la itre sinee së, me aqane tro sa acatrene la imelekeu së me angatr.
3. Wange palakö la itre sinatro ka ngazo
Tha tro pi kö la itre keresiano a nyisineene la itre atr ka tha hnimi Iehova kö, me ka tha metrötrëne la itre trepene meköti Nyidrë. Goeëne jë la VIDEO, nge ce ithanatane jë cahu hnying:
Pine nemene matre, thatre mina ju hi së, nge easë hë me itre sinatro ka ngazo?
E jë la 1 Korinito 15:33, nge ce ithanatane jë cahu itre hnying:
Tune kaa la aqane tro sa trongëne la trepene meköti celë? Pine nemen?
E jë la Salamo 119:63, nge ce ithanatane jë cahu hnying:
Drei la hnei epuni hna troa iëne matre nyi sinatronge i epun?
Ijije hi tro la ca sinee së ka ngazo a ajojezi së
4. Ijije hi tro sa nyisineene la itre atr ka tha ceitu kö me easë
Tusi Hmitrötr a qaja la imelekeu i Dravita me Ionathana, lue treme sineen. Ame la ketre ke, ka thupë mamoe, nge ame la ketre ke, nekö i joxu. Ketre, iananyi catre la lue macatre i nyidro. E jë la 1 Samuela 18:1, nge ce ithanatane jë cahu itre hnying:
Tro kö sa nyisineene hmekuje hi la itre atr ka ce macatre me easë nge ka ceitu la aqane mele me easë? Pine nemen?
E jë la Roma 1:11, 12, nge ce ithanatane jë cahu hnying:
Tune kaa la aqane tro la lue treme sinee ka hnimi Iehova a ithuecatrekeu?
Kola troa amamane ngöne la video, la aqane kuca hnene la ketre jeune matre troa nyisineene la ketre qatr. Goeëne jë la VIDEO, nge ce ithanatane jë cahu itre hnying:
Hnauëne laka, tha lapa hnyawa kö la keme me thine i Akil?
Hnauëne laka, thele jë Akil troa ce tro memine la itre sine ini angeic?
Nemene la ka xatua Akil troa hetre nyipi sinee?
5. Aqane troa hetre nyipi sinee
Tro sa öhne tune kaa la itre nyipi sinee? Nge tro sa itre nyipi sinee tune kaa? Goeëne jë la VIDEO.
E jë la Ite Edomë 18:24 me 27:17, nge ce ithanatane jë cahu itre hnying:
Tune kaa la aqane tro la itre treme sineen a itö ixatua?
Ka itö ixatua kö epun me itre sinee i epun? Maine tha eje kö, tro epuni a kuca tune kaa?
E jë la Filipi 2:4, nge ce ithanatane jë cahu hnying:
Maine easa ajane troa hetre nyipi sinee, loi e tro sa pane amamane ka hape, ketre nyipi sinee fe së. Tro sa amamane tune kaa?
Maine easa ajane troa hetre nyipi sinee, loi e tro sa pane amamane ka hape, ketre nyipi sinee fe së
HNE SË HNA MAJEMINE DRENG: “Tha easë kö a ce hmi, ngo itre treme sineene palahi easë.”
Nemene fe la mekuna i epun?
HANE HI LA HNE SË HNA CE WANG
Maine tro sa iëne hnyawane la itre sinee së, tro hë sa madrin, nge tro hë Iehova a kepe së.
Nyine Amekunën
Pine nemene matre ka nyipiewekë koi Iehova la tro sa iëne hnyawane la itre sinee së?
Drei la itre sinee ka troa ajojezi së?
Tro sa öhne tune kaa la itre nyipi sinee?
ITRE XAA NYINE WANG
Tune kaa la aqane troa xatua së hnene la itre nyipi sinee ngöne la itre ijine jol?
“Nyipiewekë Troa Hetre Nyipi Sinee Qëmekene Troa Traqa La Pun” (Ita Ne Thup Nofeba 2019)
Pengöne la nyipi sinee.
“Comment choisir mes amis ?” (Les jeunes s’interrogent. Réponses pratiques [volume 1], mekene 8)
Nemene la nyine tro sa atre göne la itre sinee së ngöne la itre réseaux sociaux?
Thupëne Kö La Aqane Huliwane La Itre Réseaux Sociaux! (4:12)
Hnene la ketre trahmany hna trotrije la itre sinee i angeic ekö ngöne la hna melën “J’avais tant besoin d’un père !”