Aqane Troa Maca Ngöne La Hna Cainöj—Aqane Troa Sa Kowe La Atr Ka Qeje Jol

Enyipiewekën: Pane mekune ju nyipunie ka hape, atre hë nyipunie laka, hane hë cahmijë wene. Nge maine tha kötre kö la itre atr, tro hë angatr a mec. Nyipunie pë hë a canga nyenyape jë, troa thuemacane la atr ka lapa ezi nyipunie, ngo öni angeic, hetre jole i angeic. Tha tro kö nyipunieti lai a canga nuetriji angeic! Ala nyimu la itre atr hne së hna cainöje kow, ngo tha trotrohnine kö angatr ka hape, nyine mele koi angatr la maca hne së hna tro fë. Ame ngöne la ijine nyipunieti a traqa troa wai angatr, tre maine jë, hetre jole i angatr. (Mat. 24: 37-39) Maine pena, hetre trengathoi hna qaja göi së, matre xele hë angatr ma wai së. (Mat. 11:18, 19) Maine pena, angatr a mekune laka, ceitui easë hi memine la itre xa hmi. (2 Pet. 2:1, 2) Maine kola qeje jole koi së hnene la atrekë hnalapan, tha tro kö sa canga nuetriji angeic.

Aqane Kuca:

Qëmekene troa cainöje ngöne la itre hnalapa trootro, pane canga mekune ju ka hape, nemene jole jë la hna troa qaja edrahe hnene lai atr, nge nemene la aqane tro nyipunieti a sa?
Maine kola qeje jole hnene lai atrene hnalapa, nango tupathe ju troa sisedrëne la porotrike. Maine jë troa pane qaja la mekuna i nyipunie. Drei la ketre ceitun; maine tro angeic a qaja ka hape, ka hmi hë angeic, sa jë ka hape: “Eni a madrine laka, ka hane fe epuni hmi.” Ame ngöne la itre xa ijin, celë hi matrane ithanata lai ka aijijë së troa nango porotrike pala kö memine lai atr. Maine angeic a qaja ka hape, hetre jole i angeic, sa ju ka hape: “Nyipici epuni hi lai, ke tru catre la itre jole së enehila. Ngo hane pë hë la sine itus, matre tro epuni a hane e.” Maine tro angeice pena a qaja ka hape, xele kö angeic, tro sa hnying. Hnyingëne ju ka hape: “Tusi Hmitrötr la hnei epuni hna xele ma wang, maine hmi?”
Huliwane jë la wang atrehmekune i nyipunie. Mekune fe kö ka hape, tha Iehova kö a musinëne la atr troa dreng. (Deu. 30:19) Tro kö sa isa thue ehnefen, xajawa i Iehova. (Gal. 6:5) Maine kola tro catr la atrekë hnalapan, ma ka loi la tro sa tro. Maine aqane metrötrëne hi së lai la aliene hni ne la itre atr, maine jë, tro hë angatre lai a pi drenge la itre xa trejin, ka traqa troa wai angeic ngöne la ketre ijine pena.—1 Pet. 3:15.

Tupathe Ju Ngöne La Treu Celë:

Maine kola qeje jole hnene la ketre atr, nge nyipunieti a tro trije lai atr, ithanatane jë memine la sine tronge i nyipunie la aqane tro epone ekula a sa kowe lai atr.