Aqane Cinyihane Me Ujëne La Itre Tusi Hun

Hnene la aja ka tru the hun troa cainöjëne “la maca ka loi” koi “angete lapa e celë fen, me nöjei nöj’ asëjëihë, me nöjei tribu, me ite qene lapa, me nöjei ate” matre eahuni a ujëne la itre itus ngöne la 750 nge hetre munëne lao qene hlapa. (Hna Amamane 14:​6) Hne huni hna eatrëne tune kaa la huliwa atraqatre cili? Jëne la itre lapa ne cinyany qa cailo fen memine la itre ka nue asë la mele i angatr, matre ujë qene hlapa, tre Itretre Anyipici Iehova asë hi angatr.

Hna pane hnëkëne ngöne la qene Papale. Lapa Ne Xomi Meköti la ka amekötine la Huliwa Ne Cinyanyi Tus ngöne la Hnalapa Ne Xomi Meköti ne la Itretre Anyipici Iehova. Ame la lapa ka huliwa ne cinyanyi tus, tre angatre hi la ka wai emekötine la hnëqa ne la itre ka cinyany ngöne la Hnalapa Ne Xomi Meköt me itre ka cinyany ngöne la itre Bethela ngöne la fen. Ame la ka cinyanyine la itre itus, tre angatr a mele ngöne la itre nöje ka nyimutre. Celë hi matre, thenge la aqane mele ne la itre atr ngöne la itre nöj, kola aijijë angatre troa cinyanyine la itre mekune ka nyimutre nyine ketr la nöjei pengöne atr.

Hna up la itre hna cinyany kowe la itretre ujë qene hlapa. Ase jë hi waipengöne me kapa la itre hna cinyany, upe jë hi jëne la itre ordinatör, kowe la itre ekip ne ujë qene hlapa ngöne la fene hnengödrai. Qa i angatre troa ujëne me wai emekötin, me silamacan. Ame la hnei angatr hna hnehengazone tre, loi e troa iëne la “ite tenge ewekë ka nyipici” me troa ujëne hnyawa itre eje qa ngöne la qene papale kowe la isa qene hlapa i angatre pë hë.​—Ate Cainöje 12:10.

Nyimenyime hë la huliwa hnene la itre ordinatör. Thatreine kö tro la itre ordinatör a kuca la qâ i angetre cinyany me angetre ujë qene hlapa. Ngo ame la eloin, tre hetrenyi la itre dictionnaire me itre logiciel hnine la itre ordinatör, ka anyimenyimëne la huliwa. Ketre mina, hnene la Itretre Anyipici Iehova hna amë hnine ordinatör la ketre jia ne huliwa hna hape MEPS (Multilanguage Electronic Publishing ­System), matre atreine troa aca ce huliwane hi la itre hna cinyihane ngöne la 100 nge hetre munëne lao qene hlapa, me hnëkëne la itre iatr me itre paragaraf, matre ceitune hi la aqane troa nyi aliene la götrane itus ka cas ngöne la nöjei pengöne qene hlapa.

Hnauëne laka tru ju pë hë la itre qene hlapa hna ujën, ngacama hna ithanatane hi hnene la itre thauzane lao atr? Pine laka kolo hi lo aja i Iehova lai kowe “la nöjei ate asëjëihë troa mele me wangate ­hmekune la nyipici.”​—1 Timoteo 2:⁠3, 4.

• Hna cinyihane tune kaa la itre itusi hun?

• Pine nemene matre kola ujëne la itre itus ngöne la nöjei pengöne qene hlapa?