Hnene La Hnengödrai Ka Hnyipixe Me Fene Hnengödrai Ka Hnyipixe, Matre Hetre Madrin Atraqatr

Pine laka, tha luelue kö së laka, troa aparadraisone hmaca la fen hnei Akötresie tune lo hna thingehnaeane ngöne Isaia mekene 65, celë hi matre, Iehova a qejepengöne lai ceitune me ketre ewekë ka eatre hë

Iehova a xup la hnengödrai ka hnyipixe memine la fene ka hnyipixe, nge tha tro hmaca kö sa mekune la itre ewekë hnapan

65:17

Nemene la hnengödrai ka hnyipixe?

• Ketre musi ka hnyipixe ka troa hamëne la tingetinge kowe la fen

• Cile hë la musi cili ngöne lo macatre 1914, lo kola acili Keriso troa Joxu ne La Baselaia i Akötresie

Nemene la fene ka hnyipixe?

• Kola qaja la nöjei atr ka xulu qa ngöne nyimu nöj, me nyimu qene lapa me nyimu qenenöj. Ajane catr angatr troa sajuëne la musi cili ka hnyipixe

Pine nemene matre tha tro kö a mekune hmaca la itre ewekë hnapan?

• Patre hë la itre ewekë ka akötrë së ngöne la götrane ngönetrei, me itre mekuna së, me itre aliene hni së

• Tro la itre ka lapaun a mele madrin, nge tro fe angatr a mekune catrëne la itre ewekë hnei angatr hna troa melën e nöjei drai