MELE NE KERESIANO
Aqane Troa Maca Ngöne La Hna Cainöj—TroaAcilëne La Ini Tus Ka Pë Thangan
ENYIPIEWEKËN: Nyipiewekë tro la itre atr a hëne la ëje i Iehova matre troa hetrenyi la mel. (Ro 10:13, 14) Ngo, ame la itre xa ka ini Tus, tha angatre kö a mel thenge la itre trepene meköti Iehova. Easa kuca asë la hne së hna atreine matre troa huliwane hnyawane la traeme së ngöne la hna cainöj, me xatuane la itre ka thel troa amadrinë Iehova me saze. Maine qea pi hë la ijine ini Tusi së me ketre, nge tha saze kö angeic, haawe, ma loi e tro pe sa xatuane la itre atr hnei Iehova hna ea koi Nyidrë me kowe la organizasio i Nyidrë. (Ine 6:44) Ngo, maine angeic e thupen a saze, me amamane ka hape, hetre “[“hni ka ajan,” MN] kowe la mele ka tha ase palua kö,” tro hmaca së a ini Tusi me angeic.—Hu 13:48.
AQANE TROA KUCA:
Qaja aloine jë la ka ini Tusi me epun, ke, angeic a thele troa hetrenyi la nyipi atrehmekun.—1Ti 2:4
Qaja hnyawane jë koi angeic la enyipiewekëne troa trongëne la hna inin.—Lu 6:46-49
Ce ithanatane jë me angeic la ceitune i Iesu göne la atre eëny, nge hnyinge jë koi angeic la ewekë ka sewe angeic troa kökötr ngöne la nyipici.—Ma 13:18-23
Qaja jë koi angeic cememine la metrötr, la kepine matre tha epuni hmaca kö a troa ini Tusi me angeic
Qaja jë koi angeic ka hape, tro palahi epun a hë maine tuë angeic matre troa ithuecatre koi angeic. Nge, maine mama ha ka hape, saze hë angeic, tro hmaca epuni a ini Tusi me angeic
GOEËNE JË LA VIDEO, NGE THUPENE LAI, SA JË CAHU ITRE HNYING:
Nemene la ka amamane ngöne la porotrik ka hape, tha saze kö la ka ini Tus?
Nemene la aqane kuca la trejin matre tro la ka ini Tusi a trotrohnine ka hape, loi e tro angeic a saze?
Nemene la aqane amamane la trejin kowe la ka ini Tusi ka hape, maine aja i angeic elanyi troa ini Tus hmaca, ijije hi?