Ixatua Kowe La Itre Föe Hna Qanangazon
“TRAQA koi itre milio lao föe me neköjajiny ngöne la fen, hna qanangazon. Epuni fe a hane melëne lai? Goeëne la kepin, matre ka nyipiewekë koi Akötresie tro epuni a mele tingeting, memine la hnei Nyidrëti hna troa kuca, matre apatrene la jole cili.”
Celë hi ka pane mama ngöne la tane mekun ngöne jw.org, hna hape, “La sécurité des femmes : Ce qu’en dit la Bible.” Ame ngöne la pun la tane mekune cili, hetre lien ka troa aijijë së troa télécharger lo version PDF. Ijije hi troa imprimé me sa acon, kösë ketre tarak. Öni Stacy, ketre trejin föe qa États-Unis ka hape, “Hnenge hna imprimée atrune la tane mekune cili, nge hnei eni me ketre trejin föe, hna tro fë itre ej kowe la ketre foyer thatraqane la itre föe hna qanangazon, ngöne la teritoare hun.”
Hnene la ketre föe ka huliwa e cili, hna sipone la itre xaa tarak, matre hamëne kowe la itre föe ka lapa e cili. Matre, 40 lao tarak hna hamën, nge 30 lao cartes de visite jw.org. Ame e thupen, hnene la föe ka cilëne lai foyer, hna sipone kowe la itre Temoë Iehova troa amamane la aqane troa ini Tusi Hmitrötr kowe la itre föe ka lapa e cili.
Hetre thangane ka loi hna kapa hnei Stacy me lue xaa trejin föe, ngöne la ketre foyer thatraqane la itre föe hna qanangazon. Hnei angatr hna hamëne la faif lao tarak, nge kola sipone hmaca la itre xan. Önine la ketre föe ka huliwa e cili ka hape, “Ka lolo catre la itre tarak celë, kowe la itre föe e ce. Ka ihmeku hnyawa me hun.” Ame lo ketre ijin, hnene la itre föe ka lapa e cili hna sine la kola ini Tus, nge ala lue thei nyudren ka ajane troa sine la icasikeu ne pune wiik, ngöne la Uma Ne Baselaia.
Öni Stacy: “Eahuni a haine la aqane kapa hnyawane la tane mekune cili. Ame la kola imprimé me sa acon ej, ke aqane tro hi së lai a tro fë la maca ne la Baselaia, kowe la itre föe hna qanangazon. Hna ketri hun la nyudren a kapa madrine la tane mekune cili. Ketre, tru la aja hun troa goeëne la aqane tro Iehova a amanathithine la itre trengecatre hun, matre tro la maca ka loi a ketr la itre xaa föe hmaca kö.”