PALAJARAN 6
Nunu Kaharapan Kumaa Tulun di Nangapatai?
1. Nunu habar dot osonong pasal tulun di nangapatai?
Tontok nokorikot i Yesus hilo’d Baitani it id somok do Yorusalim, nga’ apat no o tadau di Lasarus, i tambalut dau do napatai. Minongoi i Yesus hiri’d pinamalabangan di Lasarus miampai di Marta om i Maria, i tobpinai di napatai’ddi. A’ po alaid nga’ ogumu’ddi o tulun do nokorikot. Soroho poingkukuro o topurimanan di Marta om Maria soira’ pinasi kawagu di Yesus i tobpinai diyolo.—Basao’ Yohanis 11:21-24, 38-44.
Noilaan no di Marta habar dot osonong pasal do tulun di nangapatai. Oilaan i’ dau do posion kawagu di Yohuwah i tulun di nangapatai hiti’d pomogunan.—Basao’ Ayub 14:14, 15.
2. Nunu kowoowoyoon tulun di napatai?
Sinunudan di Yohuwah i Adam, “Tana’ ko i’ do winonsoi, om sumiliu ko indo kawagu do tana’.”—KINAWANSAYAN 3:19.
Winonsoi o tulun mantad tana’. (Kinawansayan 2:7; 3:19) Aiso’ no o bohogian dati’ di kakal poimpasi soira’ apatai toko’. Soira’ apatai toko’, tutok dati’ nga’ apatai om atanus nondo o pomusarahan dati’. Iri no dot aiso’ o pinosunud di Lasarus i nopurimanan dau maso’d napatai, tu’ tulun di napatai nga’ a’ kopuriman om a’ koilo nunu-nunu.—Basao’ Sinding 146:4; Gomponuduk 9:5, 6, 10.
Inggoriton nangku di Yohuwah do tapui i tulun di napatai? Boros ka do Baibol, tulun di napatai a’ kopuriman do nunu-nunu. Kointalang no kopio dot oudut i’ o ponudukan do naraka di mongindaraat Kinorohingan. Araatan om a’ i Yohuwah nokoumbal do momusorou do monginggorit tulun id tapui.—Basao’ Yoromia 7:31.
Intangai video diti Nunu Kowoowoyoon Tulun di Napatai?
3. Milo nangku monongkiboros dati’ o tulun di napatai?
Tulun di napatai a’ koboros om a’ korongou. (Sinding 115:17) Nga’ haro o tongomoloikat dit araat mingunali-nali di tulun di napatai om monongkiboros dati’. (Yudas 6) Mogodu i Yohuwah dati’ do momolohou tulun di napatai.—Basao’ Ponugutan 18:10, 11.
4. Isai o posion kawagu?
Ogumu o tulun di napatai apasi nondo kawagu hiti’d pomogunan. Iri piya it a’ kotutun di Yohuwah om i nokowonsoi dit angaraat nga’ posion kawagu.—Basao’ Sinding 37:29; Winonsoi 24:15.
Tulun dit apasi kawagu nga’ milo nondo do minsingilo katapatan pasal do Kinorohingan. Milo nogi iyolo do popokito kotumbayaan kumaa di Yesus om mumboyo’ dau. (Pinointalang 20:11-13) Nung momonsoi iyolo dit ongosonong nga’ apasi indo iyolo poingompus hiti’d pomogunan.—Basao’ Yohanis 5:28, 29.
5. Kaharapan bagi’d tulun napatai monuduk dati’ do nunu?
Milo dot apasi kawagu o tulun di napatai tu’ nakaatod no di Yohuwah i Tanak Dau do minatai bagi dati’. Kaharapan bagi’d tulun di napatai popokito dati’ do kosianan om kosonongo’ di Yohuwah. Soira’ apasi i nangapatai, isai o kagayaan do ginawo nu do rumuba?—Basao’ Yohanis 3:16; Rum 6:23.