Baara kɛcogo n’o gafe ye

Gafe nin kɔnɔ, loon kelen kelen bɛɛ la, u ye vɛrise dɔ kofɔ ani lakalita dɔ be tugu a kɔ. Wagati o wagati k’i diya, i be se k’o vɛrise n’o lakalita lajɛ. Nka, mɔgɔ caaman y’a kɔrɔsi ko nafa b’a la k’u lajɛ sɔgɔma. O la, u be se ka miiri o kan tile kuru bɛɛ la. Ni denbayamɔgɔw b’u lajɛ ɲɔgɔn fɛ, nafa b’o la kosɔbɛ. Duniɲa kuru bɛɛ kɔnɔ, betɛlidenw b’u lajɛ ɲɔgɔn fɛ daraka tuma na.

Kɔrɔsili Sangaso (w) minw bɔra saan 2021 awirilikalo ka taga se saan 2022, marisikalo la, lakalitaw basiginin lo olu lo kan. Lakalita kelen kelen bɛɛ kɔ, u y’a sɛbɛ a bɔra Kɔrɔsili Sangaso min kɔnɔ, ɲɛɛ min(w) kan ani dakun min(w) kɔnɔ. (Jaa lajɛ jukɔrɔ.) N’i b’a fɛ ka kunnafoni wɛrɛw sɔrɔ lakalita dɔ koo la, a bɔra Kɔrɔsili Sangaso min kɔnɔ, i be se k’o lajɛ.