Hakilijigi seli ka hakilijigikow

Ɲinan ka Hakilijigi seli be bɛn awirilikalo arabalon tile 16nan ma. Diinan mɔgɔkɔrɔw ka kan k’u janto koo ninw na:

◼ Lajɛn wagati sigitɔ, a’ ye aw janto ko tagamasiɲɛw tɛna tɛmɛ ni tile ma ben fɔlɔ.

◼ Seli kɛwagati n’a kɛyɔrɔ tigitigi ka kan ka fɔ bɛɛ kelen kelen ye, ani kalan kɛbaga fana.

◼ Buru ni diwɛn minw dagalen lo, u ka kan ka labɛn ka bila.—A filɛ saan 1985, La Tour de Garde ɲɛɛ 17nan kɔnɔ, feburukalo tile 15nan ta.

◼ Tasaw, vɛriw, tabali ɲuman ani tabali fani ka kan ka kɔn ka labɛn.

◼ Masaya Boon wala, wala lajɛn kɛyɔrɔ wɛrɛ ka kan ka saniya koɲuman ka kɔn wagati ɲɛ.

◼ A’ ye kɔn ka mɔgɔ kunbɛnbagaw ani tagamasiɲɛw latɛmɛbagaw sugandi, k’u ka baaraw ni koow kɛcogo ɲuman yira u la. U ka fani doncogo n’u kuun masiricogo ka kan ka bɛn.

◼ Ni mɔlen dɔ ye namara ye, ani a tɛ se ka na lajɛn na, labɛn ka kan ka kɛ walisa ka tagamasiɲɛw lase a ma.

◼ Ni kafo caaman ka seli be kɛ Masaya Boon kelen kɔnɔ, u ka kan ka koow labɛn koɲuman walisa mɔgɔw kana ɲɔgɔnw degun gwansan donda la, siradaw la, ani bolifɛnw lɔyɔrɔw la. N’a be se ka kɛ, miniti 45 ka ɲi ka labila kafo fila ka seli cɛ.