Les jeunes s’interrogent. . . Que vais-je faire de ma vie ? (Yɔrɔ fɔlɔ)

Ni denmisɛnw be kɔrɔbayara ka kɛ balikuw ye, u ka kan ka kooba dɔw latigɛ. Videwo nin labɛnna walisa k’u dɛmɛ o la: Les jeunes s’interrogent. . . Que vais-je faire de ma vie ? Videwo daminɛ na, i ka “ Drame ” yɔrɔ sugandi. Ɲiningali minw be dakun 2nan kɔnɔ, i k’olu ka jaabiliw ɲini. O kɔ, i ka segi videwo daminɛ na ka “ Interviews ” yɔrɔ sugandi ani ka “ Souvenirs ” kɔnɔkow filɛ. Ɲiningali minw be dakun 3nan kɔnɔ, i k’olu ka jaabiliw ɲini.

“ Drame ”: 1) Bi, cogo di kerecɛn denmisɛn caaman ka koow cogoya bɔnin be Timote ta ma? 2) Cogo juman na u tun be Andre lasunna a ka kɛ farikoloɲanagwɛla ŋana ye? 3) Balimacɛ Fleissig ye mun lo fɔ Andre ye: a) K’i yɛrɛkun di Jehova ma ani k’i yɛrɛ bɛɛ di farikoloɲanagwɛ koow ma fana? (Mat. 6:24) b) Hɛɛrɛ sɔbɛ sɔrɔcogo koo la? c) Tasa min tun b’a fɛ kaso la, o y’a hakili jigi mun lo la? d) Mɔgɔ minw tun be ni ale n’a muso ye foto kan? e) A tun b’a fɛ ka kɛ min ye, a y’o to yen, yala a nimisara o la wa? (Fil. 3:8) 4) Andre y’a mamamuso ɲininga ko “Yala kojugu lo ne k’a ɲini ka kɛ farikoloɲanagwɛla ŋana ye wa?” A y’a jaabi cogo di? (Luka 4:5-7) 5) Andre ye see sɔrɔ ɲɔgɔndanboli la, yala o y’a wasa wa? 6) Balimacɛ Fleissig ye lɛtɛrɛ laban min ci Andre ma, o ye mun lo kɛ e la? (Ntal. 10:22) 7) Balimacɛ Fleissig ye Andre dɛmɛ a ka mun lo faamu?

Koo tɛmɛninw (Souvenirs): 8) Balimacɛ ni balimamuso tun be baloɲini baara juman lo la? Mun na do? 9) U ye sanga juman sɔrɔ o la? 10) Yɛlɛmaniba juman donna u kelen-kelen ka ɲɛnamaya kɔnɔ? (2 Kɔr. 5:15). 11) Alako baara jumanw nana u ka baloɲini baara nɔɔ ta? Ani mun na u y’a jati ko u tɛ se ka to u fila bɛɛ la? 12) U kɛtɔ k’u ɲɛnakow yɛlɛma, yala u nimisara o la hali dɔɔni wa? 13) U ye mun lo fɔ min kɔni ye ile lasun ka miiri i ka kan ka min kɛ i ka ɲɛnamaya kɔnɔ?

Fɛtaw ɲiningaliw ani koo wɛrɛ minw be DVD nin kɔnɔ, i k’u filɛ ani i k’i yɛrɛ labɛn ka baro kɛ u kan waajuliko lajɛn nata la.