E fana be se ka nafa sɔrɔ La Tour de Garde nɔgɔman na
1 Feburukalo tɛmɛnin na, An ka Masaya Cidenyabaara y’a fɔ an ye ko La Tour de Garde min sɛbɛra kalan kama kafo kɔnɔ, ale bena to ka bɔ angilikan nɔgɔman na. O koo daminɛna saan 2011, ni zuwekalo tile 15nan ta ye. Bi, an be se k’a fɔ ko o La Tour de Garde ye sanga sɔrɔ kosɔbɛ kafow kɔnɔ duniɲa kuru bɛɛ kɔnɔ. Weleweledala minw tɛ angilikan mɛn, u dɔw y’o kibaro mɛn minkɛ, u ye u yɛrɛ ɲininga n’olu fana bena o La Tour de Garde nɔgɔman ɲɔgɔn sɔrɔ u ka kaan na loon dɔ la.
2 Tiɲɛn kuma barikamanw be sɔrɔ Matiyu sapitiri 5-7 kɔnɔ. Nka, Yesu y’u fɔ cogo nɔgɔman na ni kuma damanin dɔrɔn ye. “So kunna sigibaa dannamɔgɔ” be Yesu ladegi a kɛtɔ ka fɛɛrɛ ɲini tuma bɛɛ walisa ka hakilimaya dumuni nɔgɔman di Ala sagokɛlaw ma duniɲa yɔrɔ bɛɛ la (Luka 12:42). O kama, k’a ta saan 2013, zanwiye tile 15nan ta ma, La Tour de Garde nɔgɔman bena to ka bɔ faransɛkan ni pɔrutugɛkan ni ɛsipaɲɔlikan na. A ka dakunw nimɔrɔw, ɲiningaliw ani cɛtigɛw ye kelen ye ni fɔlɔ taw ye. U kɔnɔkow bɛɛ ye kelen ye, nka kuraman ka kuma fɔcogo lo ka nɔgɔ. La Tour de Garde kalan ɲɛminɛbaga n’a kalanbaga bena baara kɛ ni kɔrɔman ye fɔɔ n’a y’a sɔrɔ ko lamɛnnikɛlaw fanba be nin La Tour de Garde nɔgɔman ye. La Tour de Garde nɔgɔman be minw bolo, olu bena a ye ko vɛrisew ni jaa minw be kɔrɔman kɔnɔ, o kelen lo be olu ta kɔnɔ fana. O la, u bena se ka tugu dakunw kalan kɔ ani ka lakalitaw kɛ. Siga t’a la, o La Tour de Garde nɔgɔman bena mɔgɔ caaman dɛmɛ u ka “faamuli kɛ” bɛrɛbɛrɛ ani ka kalan sira tagama.—Matiyu 13:14, 15, 19, 23.
3 A daminɛ na, dɔw be se k’a latigɛ k’u fila suma k’a filɛ cogo min na La Tour Garde nɔgɔman b’u dɛmɛ ka kalan kɔrɔ tigitigi faamu. Minw b’a miiri ko La Tour de Garde nɔgɔman bena olu nafa, u ka kan k’a komandi kɛ balimacɛ fɛ min be zurunalikow kun na.