An ka balimaya jɛnkuludenw bɛɛ kanu

Ala y’a to u ye o miiriya sɛbɛ a saan waa fila ɲɔgɔn ye nin ye (1 Piɛrɛ 2:17). Nka bi, ka tɛmɛ sanga ni wagati bɛɛ kan, an ka kan k’o miiriya sira tagama! An be se k’an ka balimaya jɛnkuludenw bɛɛ kanu cogo di k’a sɔrɔ u be duniɲa yɔrɔ bɛɛ la? Bi duniɲa kɔnɔ kanuya tɛ yen. An be se ka mun lo kɛ walisa an ka kanuya barika kana dɔgɔya? (Mat. 24:12). Videwo “ Toute la communauté des frères ” filɛ ani a ɲini ka ɲiningali nunu jaabi:

1) Tuma juman lo an kɛra kerecɛn balimaya jɛnkuluden dɔ ye? 2) An be jɛn ka baara saba juman lo kɛ n’an balimaw jɛnkulu ye duniɲa kɔnɔ? 3) Cogo juman na an balimaw b’a yira k’u cɛsirinin be ka waajuli kɛ: a) Alaska ka kongojan kɔnɔ, b) tubabu jamana ka batow lɔyɔrɔbaw la, ani c) Peru ka tuuba kɔnɔ? 4) Mun na an man kan k’a miiri abada ko waajuli ye baara gwansan ye? 5) Ɲɛyirali dɔw di, minw b’a yira cogo min na Jehova Seerew ye ɲɔgɔn dusu saalo ani u ye ɲɔgɔn dɛmɛ: a) dugukoloyɛrɛyɛrɛw, b) fɔɲɔbaw ani c) ni jamanadenw wulila ɲɔgɔn kama. 6) Tagamasiɲɛba min be an balimaw jɛnkulu faranfasi ka yira, an bɛɛ be se k’o yira kɛnɛ kan cogo juman na? (Yuh. 13:35) 7) N’an be baara kɛ ɲɔgɔn fɛ k’an ka Masaya Boonw lɔ, nafa juman be sɔrɔ o la? 8) An balimaw kisira cogo juman na hakilimaya ta fan fɛ tuma min na bali sigira u kan Irisi ani tubabu jamana kɔrɔn fan fɛ? 9) Balima caaman be jijali kabakoman juman lo kɛ walisa ka taga lajɛnbaw la, ani mun kama? 10) Videwo nin y’i dɛmɛ cogo di i k’i cɛsiri ka: a) ka batoli kɛ ni balimaw ye kelenya la, b) ka mɔgɔ wɛrɛw dɛmɛ gwɛlɛya wagati la, ani c) ka waajuli kɛ ni kantigiya ye tuma bɛɛ ani cogoya bɛɛ la n’i be se? 11) An be se ka baara kɛ ni videwo nin ye waajuli baara la cogo di ani tuma juman?

Kuun jɔnjɔn min kama an ye kerecɛn balimaya mɔgɔ dɔ ye, o ye ko an be Jehova kanu. A ka di an ye ka lɔnniya sɔrɔ a koo la ani ka mɔgɔw kalan a koo la. Mɔgɔ minw koo ka di Jehova ye, an fana b’olu kanu. Balawo wagati la, n’an b’u dɛmɛ an t’a ɲini ko Jehova k’an tando o kosɔn. Nka, an yɛrɛ lo be Jehova tando sabu an b’a jati ko an ka kerecɛn balimaya ye Jehova ka nilifɛn nafamanba dɔ ye. Komi duniɲa nin laban be surunyana, an ka to k’a yira ko an be an ka balimaya jɛnkuludenw bɛɛ kanu!