Baro kɛ i kumacogo la

Filipu y’a kɛ cogo min na

VIDEWO: Filipu be Etiyopikacɛ waaju

1. VIDEWO filɛ wala Kɛwaliw 8:30, 31 kalan. O kɔ, ɲiningali nunu jaabi:

1. Filipu ye baro daminɛ cogo di?

2. Mun na o ye baro daminɛcogo ɲuman ye? Ani, mun na o ye fɛɛrɛ ɲuman ye k’o cɛɛ kalan koo kura dɔw la?

An be kalan min sɔrɔ Filipu fɛ

2. Baro kɛ n’i lamɛnbaga ye i kumacogo la ani kana girin ka koow kɛ. O la, a hakili bena sigi ani a bena sɔn ka baro kɛ n’i ye.

Filipu ladegi

3. Kɔrɔsili kɛ. N’a sɔrɔ i bena koo caaman lɔn i lamɛnbaga koo la n’i b’a ɲɛda n’a kɛcogo kɔrɔsi. Yala a kɛcogo b’a yira ko a b’a fɛ k’i lamɛn wa? I be se k’a daminɛ ka kuma Bibulu ka tiɲɛnkalan dɔ koo la i kɛtɔ k’a ɲininga dɔrɔn ko: “I b’a lɔn ko . . . ?” N’a tigi t’a fɛ ka baro kɛ, kana a waajibiya.

4. Muɲu. Baro daminɛtɔ, kana a miiri ko i ka ɲi ka sin ka kuma Bibulu koo la. Kɔnɔni kɛ walisa ka sababu sɔrɔ k’o kɛ. Tuma dɔw la yɛrɛ, baro kɛtɔ loon wɛrɛ le i bena se ka kuma Bibulu koo la.

5. Kana siga k’i ka baro yɛlɛma. N’a sɔrɔ baro be tagara bolo dɔ kan i yɛrɛ tun tɛ miirila min na. N’o lo, kana siga ka kuma koo dɔ la min kɔrɔtanin lo a tigi fɛ. O kɔrɔ ko i tun b’a fɛ ka kuma Bibulu ka tiɲɛnkalan min koo la, n’a sɔrɔ i bena o to yen ani ka kuma dɔ wɛrɛ koo la min bena diya a tigi ye.