Kalanden kalan cogo nɔgɔman na

Yezu y’a kɛ cogo min na

VIDEWO: Yezu ye ntalen kuma dɔ fɔ walisa k’a yira ko a Faa b’a janto an na

1. VIDEWO filɛ wala Matiyo 6:25-27 kalan. O kɔ, ɲiningali nunu jaabi:

1. Yezu ye ntalen kuma juman lo fɔ walisa k’a yira ko Jehova b’a janto an na?

2. Hali k’a sɔrɔ Yezu tun be koo caaman lɔn kɔnɔw koo la, a sinsinna koo nɔgɔman juman lo kan? Mun na o ye kalankɛcogo ɲuman ye?

An be kalan min sɔrɔ Yezu fɛ

2. N’an be mɔgɔw kalan cogo nɔgɔman na, u tɛna ɲinɛ o kalan kɔ. O la, an bena u dusukun sɔrɔ.

Yezu ladegi

3. Kana kuma caaman. I be min lɔn barokun koo la, kana o bɛɛ fɔ. Nka, sinsin kalankɛ gafe kɔnɔnakow lo kan. N’i ye ɲiningali dɔ kɛ, wagati to kalanden ye a k’o jaabi. N’a t’o jaabili lɔn wala n’a ye jaabili dɔ di min bɛnnin tɛ ni Bibulu ka kalanw ye, ɲiningali wɛrɛw kɛ walisa k’a dɛmɛ. Ni kalanden ye miiriya jɔnjɔn faamu, taga ɲɛ ni kalan ye.

4. Kalanden be min lɔn ka ban, baara kɛ n’o ye walisa k’a dɛmɛ a ka kalan kuraw faamu. Misali la, sanni i ka kalansen daminɛ sukununi koo la, a ɲini kalanden fɛ a k’a fɔ i ye dɔɔni a be min faamu suuw cogoya koo la.

5. Misaliw sugandi koɲuman. N’i b’a fɛ ka misali dɔ lakali, i yɛrɛ ɲininga ko:

1. “Kɔni a man gwɛlɛ?”

2. “Kalanden bena a faamu nɔgɔman na wa?”

3. “Yala kalanden bena o misali dɔrɔn lo to a hakili la wala a bena kalan miiriya jɔnjɔnw fana to a hakili la?”