I mako don mɔgɔw la

Yezu y’a kɛ cogo min na

VIDEWO: Yezu ni Samarika muso, kɔlɔnda la

1. VIDEWO filɛ wala Zan 4:6-9 kalan. O kɔ, ɲiningali nunu jaabi:

1. Yezu ye mun lo kɔrɔsi o muso koo la ka sɔrɔ ka baro daminɛ n’a ye?

2. Yezu y’a fɔ ko: “N sɔn jii la n b’a min.” Mun na o ye baro daminɛcogo ɲuman ye?

An be kalan min sɔrɔ Yezu fɛ

2. N’a sɔrɔ mɔgɔw bena sɔn k’an lamɛn n’an ye baro daminɛ koo dɔw kan minw ɲɛsinna u makoyaw ma.

Yezu ladegi

3. Sɔn k’i ka baro yɛlɛma. I y’i yɛrɛ labɛn ka min fɔ, kana ja kelen kan ko i b’o lo fɔ. Mɔgɔw jɔrɔnanko ye min ye bi, baro dadon n’o ye. I yɛrɛ ɲininga ko:

1. “Kibaruya juman lo be fɔra arajo n’a ɲɔgɔnnaw na?”

2. “N’ sigiɲɔgɔnw, n’ baarakɛɲɔgɔnw wala n’ ka klasidenw be kuma mun lo koo la?”

4. Kɔrɔsili kɛ. I yɛrɛ ɲininga ko:

1. “A tigi be mun lo kɛra? N’a sɔrɔ a be miirila mun lo la?”

2. “A tigi ka fani, a sawura wala a ka luu be mun lo yira a ka lannakow, a ka kokɛcogow wala a bɔyɔrɔ koo la?”

3. “Yala wagati ɲuman lo ka kuma a tigi fɛ wa?”

5. Lamɛnni kɛ.

1. Kana kuma caaman.

2. A tigi jija a k’a ka miiriya fɔ. N’a bɛnnin lo, ɲiningaliw kɛ.