2 “Gblɔ na Israel-viwo be woatsɔ amititsetse ƒe ami nyuitɔ vɛ be woatsɔ ade akaɖi la me, ne akaɖigbɛ la nanɔ sisi ɖaa.+ 3 Aron nakpɔ akaɖi la gbɔ le takpegbadɔa me le xɔmetsovɔ si xe Ðaseɖinu la ŋkume la ŋgɔ, be wòanɔ bibim tso fiẽ va se ɖe ŋdi le Yehowa ŋkume ɖaa. Se wònye na mi ɖaa le miaƒe dzidzimewo katã me.

32 Lewi viwo ƒe tatɔwo ƒe ŋgɔnɔlae nye nunɔla Aron vi Eleazar,+ eye eyae kpɔa ame siwo wɔa kɔkɔeƒe la ŋu dɔwo dzi.