11 “‘Ke ne mate ŋu ana akpakpa eve alo ahɔnɛvi eve hã o la, ekema wòatsɔ wɔ memee efa me mama ɖe ewo ƒe akpa ɖeka*+ ana ɖe nu vɔ̃ si wòwɔ la ta, be woatsɔ asa nuvɔ̃vɔe. Megakɔ ami ɖe edzi o, eye megatsɔ lifi da ɖe edzi o, elabena nuvɔ̃vɔsa wònye. 12 Eye wòatsɔe ava nunɔla la gbɔ, eye nunɔla la naku asiʋlo ɖeka le eŋu wòanye kpɔɖeŋuvɔsa,* eye wòatsɔe akɔ ɖe Yehowa ƒe dzovɔsawo dzi ado dzudzɔ ɖe vɔsamlekpui la dzi. Nuvɔ̃vɔsa wònye.

25 “Gblɔ na Aron kple viaŋutsuwo be, ‘Esiae nye nuvɔ̃vɔsa la ŋuti se:+ Teƒe si wowua numevɔsalãa le la,+ teƒe ma kee woawu nuvɔ̃vɔsalãa hã ɖo le Yehowa ŋkume. Nu kɔkɔewo ƒe nu kɔkɔe wònye. 26 Nunɔla si sa nuvɔ̃vɔ lae aɖui.+ Teƒe kɔkɔe woaɖui le, le takpegbadɔa ƒe xɔxɔnu.+