1 Kronika
26 Agbonudzɔlawo ƒe hatsotsowoe+ nye esi: Ame siwo tso Kora viwo domee nye: Meselemiya,+ ame si nye Kore si tso Asaf viwo dome ƒe vi. 2 Meselemiya viwoe nye Zakariya, si nye eƒe ŋgɔgbevi, eveliae nye Yediael, etɔ̃liae nye Zebadiya, eneliae nye Yatniel, 3 atɔ̃liae nye Elam, adeliae nye Yehohanan, adreliae nye Eliyeho-Enai. 4 Obed-Edom viwoe nye Semaya, eƒe ŋgɔgbevi, eveliae nye Yehozabad, etɔ̃liae nye Yoak, eneliae nye Sakar, atɔ̃liae nye Netanel, 5 adeliae nye Amiel, adreliae nye Isakar, enyiliae nye Peuletai; elabena Mawu yrae.
6 Wodzi ŋutsuviwo na via Semaya, ame siwo nye tatɔwo le wo fofowo ƒe aƒekɔwo nu, elabena ŋutsu kalẽtɔ veviedolawoe wonye. 7 Semaya viwoe nye: Otni, Refael, Obed kple Elzabad; eye nɔvia siwo nye Elihu kple Semakiya hã nye ŋutsu veviedolawo. 8 Ame siawo katã nye Obed-Edom viwo; woawo kple wo viwo kpakple wo nɔviwo nye ŋutsu veviedolawo eye wodze na dɔ la wɔwɔ; wonye Obed-Edom ƒe amewo eye wole ame blaade vɔ eve. 9 Meselemiya+ viwo kple nɔviawo nye ŋutsu veviedolawo, wole ame wuienyi. 10 Hosa, ame si tso Merari viwo dome la hã viwoe nye Simri si nye tatɔ, togbɔ be menye eyae nye ŋgɔgbevi la o hã la, fofoa tsɔe ɖo tatɔe, 11 eveliae nye Hilkiya, etɔ̃liae nye Tebaliya, eneliae nye Zakariya. Hosa viwo kple nɔviawo katã le ame wuietɔ̃.
12 Agbonudzɔlawo ƒe hatsotso siawo ƒe tatɔawo ƒe dɔe nye be woasubɔ le Yehowa ƒe aƒe la me abe wo nɔviwo ke ene. 13 Ale wodzidze nu+ le wo fofowo ƒe aƒekɔwo nu, woɖale sue alo wololo o, hena agbo sia agbo si ŋu woadzɔ la. 14 Eye nudzidze la dze Selemiya dzi ɖe ɣedzeƒe gome. Wodzidze nu na via Zakariya, ame si nye aɖaŋuɖola nyanu aɖe, eye eƒe nudzidze la dze dziehe gome. 15 Obed-Edom tɔ le anyiehe gome, eye viawo+ tɔe nye nudzraɖoƒeawo. 16 Supim kple Hosa+ tɔ le ɣetoɖoƒe gome le afi si gogo Saleket-gbo la nu le mɔ gã si to toa tame la to, eye dzɔlawo ƒe ha ɖeka le dzɔlawo ƒe ha bubu xa; 17 Lewi vi ade le ɣedzeƒe gome; ame ene le dziehe gome gbe sia gbe, ame ene le anyiehe gome gbe sia gbe; eye ame eveve le nudzraɖoƒeawo+ nu; 18 le agbonukpata si le ɣetoɖoƒe gome gbɔ la, ame ene le mɔ gã+ la to, eye ame eve le agbonukpata la nu. 19 Ame siawoe nye agbonudzɔlawo ƒe hatsotsowo tso Kora viwo kple Merari viwo dome.
20 Le Lewi viwo dome la, Ahiya le Mawu vavã la ƒe aƒe la ƒe kesinɔnudzraɖoƒewo kple kesinɔnu siwo ŋu wokɔ*+ la dzraɖoƒewo nu. 21 Ladan, ame si tso Gerson viwo dome ƒe viwo, siwo nye Gerson vi Ladan ƒe tatɔwo le wo fofowo ƒe aƒekɔwo nu, ame siwo nye Yehieli+ 22 kple Yehieli viwo, Zetam kple nɔvia Yoel; woawoe le Yehowa ƒe aƒe la me kesinɔnudzraɖoƒewo nu.+ 23 Le Amram viwo, Yizhar viwo, Hebron viwo, Uziel viwo+ dome la, 24 Sebuel, ame si nye Mose vi Gersom ƒe vie nye nudzraɖoƒeawo dzi kpɔlawo dometɔ ɖeka. 25 Le nɔviawo dome la, ame siwo tso Eliezer+ viwo domee nye via Rehabiya,+ eya hã ƒe vie nye Yesaya, eya hã ƒe vie nye Yoram, eya hã ƒe vie nye Zikri, eya hã ƒe vie nye Selomot.* 26 Selomot sia kple nɔviawoe le nu siwo ŋu wokɔ,+ siwo le kesinɔnudzraɖoƒe, siwo katã ŋu Fia David+ kple tatɔ siwo le wo fofowo ƒe aƒekɔwo nu,+ ame akpe kple ame alafa ƒe tatɔwo kpakple aʋakɔ la ƒe amegãwo kɔ la nu. 27 Wokɔ nu siwo wokpɔ tso aʋa+ me kple aboyonuawo+ dometɔ aɖewo ŋu be woatsɔ anɔ Yehowa ƒe xɔ la dzram ɖo, 28 hekpe ɖe nu siwo katã ŋu nukpɔla+ Samuel, Saul, Kis vi, Abner,+ Ner vi kple Yoab,+ Zeruya vi+ kɔ la ŋuti. Nu sia nu si ŋu ame aɖe kɔ la le Selomit kple nɔviawo ƒe dzikpɔkpɔ te.
29 Kenaniya kple viawo, ame siwo tso Yizhar+ viwo dome la, kpɔa dudɔwo gbɔ henye dzikpɔlawo kple ʋɔnudrɔ̃lawo+ ɖe Israel dzi.
30 Le Hebron+ viwo dome la, Hasabiya kple nɔviawo, ame akpe ɖeka alafa adre siwo nye ŋutsu veviedolawo la, nye Israel ƒe dzikpɔlawo le Yordan ƒe nuto si le ɣetoɖoƒe gome la me, hena Yehowa ƒe dɔ la katã kple fia la subɔsubɔ. 31 Le Hebron viwo dome la, Yeriya+ ye nye Hebron viwo ƒe tatɔ le wo fofowo ƒe aƒekɔwo nu le woƒe dzidzimewo nu. Le David ƒe fiaɖuɖu ƒe ƒe blaenelia me la,+ wolé ŋku ɖe wo ŋu, eye wokpɔ ŋutsu kalẽtɔwo le wo dome le Yazer+ le Gilead. 32 Nɔvia siwo nye ŋutsu veviedolawo, le ame akpe eve alafa adre, eye wonye tatɔwo le wo fofowo ƒe aƒekɔwo nu. Eya ta Fia David tsɔ wo ɖo Ruben viwo, Gad viwo kple Manase viwo ƒe to afã la nu, le Mawu vavã la ƒe nyawo kple fia la ƒe nyawo katã me.