Hiob

17 “Nu te nye gbɔgbɔ ŋu belibeli, nye ŋkekewo nu yi;

Yɔdo koe le lalayem.+

 2 Fewuɖulawo ƒo xlãm,+

Eye nye ŋkuwo le woƒe aglãdzedzewo teƒe kpɔm.

 4 Elabena èɣla nunya ɖe woƒe dzi;+

Esia tae mèna woƒe alɔ de dzi o.

 5 Ame aɖe agblɔ be yeama nu kple ye xɔlɔ̃wo,

Evɔ viawo ƒe ŋku tsi.

 6 Etsɔm wɔ alɔmeɖenu* na dukɔwo,+

Ale be amewo le ta ɖem ɖe mo nam.+

 7 Vevesese na nye ŋku dzi tsyɔ,+

Eye nye ŋutinuwo le abe vɔvɔli ko ene.

 8 Ame dzɔdzɔe ƒe mo wɔ yaa le esia ta,

Eye mawumavɔ̃la* la ƒe nuwɔna tena ɖe ame maɖifɔ la dzi.

 9 Ame dzɔdzɔe léa eƒe mɔwo me ɖe asi,+

Eye ame si ƒe asi me dza la kpɔa ŋusẽ geɖe.+

10 Ke mi katã migayi miaƒe nyaheheawo dzi ko,

Elabena nye ya nyemekpɔ nunyala aɖeke le mia dome o.+

11 Nye ŋkekewo nu yi;+

Nye ɖoɖowo kple nye dzimedidiwo me gblẽ keŋ.+

12 Wotsɔa zã wɔa ŋkekee,

Eye wogblɔna be, ‘Kekeli megale didiƒe o, le esi viviti do ta.’

13 Ne mele lalam hã la, Tsiẽƒe* koe anye nye aƒe;+

Viviti mee mele nye aba ɖo ge ɖo.+

16 Tsiẽƒe* ƒe gametiwo gbɔ kee woakpɔe* le,

Ne nye kplii siaa míeyi to me ɖekae.”+