‘Dzra Nane Ðo Ði’

Le Kristotɔ gbãtɔwo ƒe hamea me la, hiahiã geɖe nɔ anyi si gbɔ wòle be woakpɔ. Le alesi nu dze edzi na amewoe nu la, wode dzi ƒo na wo be ‘woatsɔ nane adzra ɖo ɖi’ wòanye lɔlɔ̃nu faa nudzɔdzɔ be woatsɔ akpɔ hiahiã mawo gbɔe. (Kor. I, 16:1-3) Le woƒe dɔmenyonyo ta wo katã wokpɔ dzidzɔ le “akpedada geɖe me na Mawu.”—Kor. II, 9:11, 12.

Egbea la, Yehowa ƒe amewo ƒe xexeame katã ƒe dɔa yi edzi le ta kekem, si wɔe be ga geɖe hiã hena alɔdodo dɔa. Esɔ be míawo hã ‘míadzra nane ɖo’ ɣesiaɣi be míatsɔ akpe asi ɖe hiahiã siawo gbɔ kpɔkpɔ ŋu. (Kor. II, 8:3, 4) Míate ŋu ana ŋutilãmenuwo le mɔ geɖe nu. (Kpɔ November 1, 2001 ƒe Gbetakpɔxɔ, axa 28-9.) Esɔ be míabu esia be enye mɔnukpɔkpɔ tɔxɛ aɖe si naa míekpɔa dzidzɔ vavãtɔ.—Dɔw. 20:35.