Gbeadzisubɔsubɔdɔ Ŋuti Nyatakakawo

Enye dzidzɔ na mí ŋutɔ be míana mianya be míekpɔ gbeƒãɖelawo kple gbesiagbe mɔɖelawo ƒe agbɔsɔsɔ gbogbotɔ yeyewo. Míewu ƒe 2011 subɔsubɔƒea nu kple gbeƒãɖelawo ƒe agbɔsɔsɔ gbogbotɔ si nye 109,040. Esia nye dzidziɖedzi 4.8 le alafa me ɖe ƒe 2010 subɔsubɔƒea tɔ dzi. Míekpɔ gbesiagbe mɔɖelawo hã ƒe agbɔsɔsɔ gbogbotɔ yeye si nye 8,871, eye esia nye dzidziɖedzi 24.2 le alafa me ɖe ƒe si va yi tɔ dzi. Nɔviwo, míele mi katã kafum ɖe agbagba siwo miedze, si na míete ŋu kpɔ dzidziɖedzi ɖedzesi siawo la ta!

Míele dzidzɔ kpɔm ŋutɔ ɖe ale si Yehowa le yayram ɖe míaƒe dɔa dzi la ta; eye míele mɔ kpɔm be wòayi edzi ayra mí, elabena esi ‘míefɔ mo dzi kpɔ agbleawo dzi la, míekpɔ be woƒu hena ŋeŋe.’—Yoh. 4:35.