Ka Ðe Edzi Be Yehowa Ƒe Lɔlɔ̃ Na Wò Nu Matsi O

Ame vevi aɖee nènye na Yehowa. (Yes 43:4) Ehe wò ɖe eɖokui ŋu eye wòna nèle eƒe habɔbɔa me. Esi nèɖe adzɔgbe hexɔ nyɔnyrɔ ta, èzu Yehowa tɔ. Ne nɔnɔmeawo sesẽ hã, ayi edzi alé be na wò, elabe ènye eƒe nunɔamesi tɔxɛ. Ato eƒe habɔbɔa dzi aɖe lɔlɔ̃ si nu metsina oa fia wò.—Ps 25:10.

Ne míelé ŋku ɖe kpekpeɖeŋu siwo Yehowa ƒe habɔbɔa na le dzɔdzɔmefɔkuwo me nyitsɔ laa ŋua, ana míagakpɔ ŋudzedze ɖe Yehowa ƒe lɔlɔ̃ si nu metsina oa ŋu geɖe wu.

MIKPƆ VIDEO SI NYE ƑE 2019 NYATAKAKA TSO ÐOÐOWO GBƆ KPƆLAWO ƑE KƆMITIA GBƆ, EYOME MÍAÐO BIABIA SIAWO ŊU:

• 

  Aleke Ðoɖowo Gbɔ Kpɔlawo Ƒe Kɔmitia dzra alɔdzedɔwɔƒe siwo le xexea me godooa ɖo ɖe dzɔdzɔmefɔkuwo ŋu?

• 

  Mɔfiame kple kpekpeɖeŋu kawoe Yehowa ƒe habɔbɔa na nɔvi siwo le Indonesia kple Nigeria esi afɔku dzɔ ɖe wo dzi?

• 

  Esi corona dɔvɔ̃a doa, afɔ kawoe habɔbɔa ɖe, si do dzidzɔ na wò ŋutɔ?