Dzigbɔgbɔ Blewu

1. Dziɖulagã Yehowa

Di be yeakɔ yeƒe ŋkɔa ŋu.

Eɖo tame kplikpaa be

Yeatsi vlodoamewo nu ɖaa.

Edo dzi ’teƒe didi,

Dzidzimewo katã me,

Gbɔ dzi ɖi blewu na mí;

Ðeɖi mete ’ŋu o.

Edi agbe mavɔ na

Ame ƒomevi ɖesiaɖe.

Yehowa ƒe dzigbɔɖi

Mazu dzodzro kpɔ gbeɖe o.

2. Dzigbɔgbɔ blewu hiã mí

Be míazɔ kple mía Mawu la.

Ana míakpɔ dzidzeme

’Ye míaɖe mɔ na dziku o.

Ana míatsɔ ake faa,

Aŋlɔ vodadawo be,

Ada sɔ nuwɔna me,

Ado dzi xaxa’o me.

Dzigbɔgbɔ blewu kpakple

Nɔnɔme nyui bubu siwo

Míatu ɖo to gbɔgbɔa dzi

Ana míaɖi mía Mawu la.