Aleke Agbea Nɔ Le Paradisoa Me?

Yehowa na nu nyui geɖe Adam kple Xawa. 1 Mose 1:28

Yehowa wɔ nyɔnu gbãtɔ, si ŋkɔe nye Xawa, eye wòkplɔe vae na Adam be wòanye srɔ̃a.—1 Mose 2:21, 22.

Yehowa wɔ wo wode blibo le susu kple ŋutilã me, gbegblẽƒe aɖeke menɔ wo ŋu o.

Eden bɔ, si nye Paradiso lae nye woƒe aƒe—afi si nya kpɔ ŋutɔ, si tɔsisiwo, atikutsetsetiwo kple lã hamehamewo le.

Yehowa ƒo nu kpli wo; efia nu wo hã. Ne woɖo toe la, woanɔ agbe tegbee le Paradisoa me le anyigba dzi.

Mawu gblɔ be woagaɖu atiawo dometɔ ɖeka ƒe tsetse o. 1 Mose 2:16, 17

Yehowa tsɔ atikutsetseti siwo le abɔa me la dometɔ ɖeka fia Adam kple Xawa, eye wògblɔ na wo be ne woɖu eƒe tsetse la woaku.

Mawudɔlawo dometɔ ɖeka dze aglã ɖe Mawu ŋu. Mawudɔla vɔ̃ɖi mae nye Satana Abosam.

Satana medi be Adam kple Xawa naɖo to Yehowa o. Eya ta eto da dzi gblɔ na Xawa be ne eɖu ati ma ƒe tsetse la, maku o, ke boŋ anɔ abe Mawu ene. Gake aʋatsoe wòka nɛ.—1 Mose 3:1-5.