Miwɔ Ðoɖowɔɖi si Asɔ na Ƒomea
1 Le Yesu ƒe Todzimawunyaa me la, exlɔ̃ nu eƒe nyaselawo be: ‘Midi mawufiaɖuƒe la kple eƒe dzɔdzɔenyenye gbãgbiagbã.’ (Mat. 6:33) Mɔ nyui aɖe si dzi miato akpɔ dɔwɔnawo gbɔ le ƒomea me ale be miatsɔ gbɔgbɔmenuwo aɖo nɔƒe gbãtɔe nye be miawɔ ɖoɖowɔɖi aɖe ahaŋlɔe da ɖi. Midi miniti ʋɛ aɖewo miazã teƒe ƒuƒlu siwo le ɖoɖowɔɖi si le emedegbalẽvi sia ƒe axa 6 lia dzi miawɔ mia ŋutɔ miaƒe ɖoɖowɔɖi si dzi ƒomea azɔ ɖo le kwasiɖaa me. Ƒome aɖewo adi be yewoaŋlɔ dɔwɔnaawo ɖe pepa kakɛ dzi atre ɖe teƒe ƒuƒluawo. Bubuwo adi be yewoaŋlɔ wo ɖe teƒeawo ŋutɔ.
2 Kpɔɖeŋu ɖoɖowɔɖi si le egɔme ate ŋu akpe ɖe mia ŋu le miaƒe ɖoɖowɔɖia wɔwɔ me. Miade dzesii be dɔwɔna vevi ene koe dze le eme: (1) hamea ƒe kpekpewo dede, (2) ƒomea ƒe gbeadziyiyi, (3) ƒomenusɔsrɔ̃, kple (4) gbesiagbe mawunyakpukpuia me dzodzro. Ne miede nusiawo miaƒe ɖoɖowɔɖia me la, akpe ɖe mia ŋu ‘mialé ŋku ɖe nusiwo le vevie wu la ŋu.’ (Fil. 1:10) Aɖaŋuɖoɖo bubuwo dze le axa 4-5 ku ɖe dɔwɔna vevi ene siawo ŋu.
3 Menye dɔwɔna ene siawo ɖeɖekoe hiã be woanɔ miaƒe ƒomea ƒe ɖoɖowɔɖia me o. Ne ƒomea wɔ ɖoɖo dzrana kpekpe aɖewo ɖo ɖekae la, ekema mide eya hã ɖoɖowɔɖia me. Ne miexlẽa Biblia ƒe akpa sue aɖe ɖekae le gbesiagbe mawunyakpukpuia me dzodzro vɔ megbe alo le ɣeyiɣi bubu dzi la, miŋlɔ eya hã. Ne ƒomea ɖea modzaka aɖe ɖekae la, ɖewohĩ miadi be yewoaŋlɔ eya hã ɖe ɖoɖowɔɖia me.
4 Mitrɔ asi le ƒomea ƒe ɖoɖowɔɖia ŋu ale be wòasɔ ɖe amesiwo katã le aƒea me ƒe hiahiãwo kple nɔnɔmewo nu. Minɔ eme tom edziedzi ne miakpɔe ɖa be ɖoɖowɔɖia gasɔ na amesiame kokoko hã, ale be miawɔ asitɔtrɔ siwo ahiã.
[Nyaɖoɖo si le 3]
Ƒomea ƒe Kpɔɖeŋu Ðoɖowɔɖi
Ŋdi Ŋdɔ Fiẽ
Kwas. Gbesiagbe Mawunya-kpukpui
Dutoƒonuƒo Kple
Gbetakpɔxɔ Nusɔsrɔ̃
Dzoɖ. Gbesiagbe Mawunya-kpukpui Ƒomenusɔsrɔ̃
Braɖ. Gbesiagbe Mawunya-kpukpui Hame ƒe
Agbalẽ me Nusɔsrɔ̃
Kuɖ. Gbesiagbe Mawunya-kpukpui
Yaw. Gbesiagbe Mawunya-kpukpui Teokrasi Subɔsubɔ
Suku Kple
Subɔsubɔ Kpekpe
Fiɖ. Gbesiagbe Mawunya-kpukpui
Meml. Gbesiagbe Mawunya-kpukpui
Ƒomea ƒe
Gbeadziyiyi
(Magazine Ŋkeke)
[Nyaɖoɖo si le 6]
Family Schedule
Ŋdi Ŋdɔ Fiẽ
Kwas.
Dzoɖ.
Braɖ.
Kuɖ.
Yaw.
Fiɖ.
Meml.
..................................................................
Gbesiagbe Gbesiagbe Gbesiagbe Gbesiagbe Gbesiagbe Gbesiagbe Gbesiagbe
Mawunya- Mawunya- Mawunya- Mawunya- Mawunya- Mawunya- Mawunya-
kpukpui kpukpui kpukpui kpukpui kpukpui kpukpui kpukpui
Dutoƒonuƒo Subɔsubɔ Hame ƒe Ƒome- Ƒomea ƒe Ƒomea ƒe Ƒomea
Kple Suku Kple Agbalẽ nusɔsrɔ̃ Gbeadzi- Biblia ƒe Modza-
Gbetakpɔxɔ Subɔsubɔ me Nusɔsrɔ̃ yiyi Xexlẽ kaɖeɖe
Nusɔsrɔ̃ Kpekpe